உலகம்

பார்வர்ட் பிளாக் கட்சியின் முன்னாள் தலைவர் பீ.கே மூக்கையா தேவர் அவர்களின் 100-வது பிறந்த நாளை முன்னிட்டு மதுரை அரசரடி பகுதியில் உள்ள அவரது உருவ சிலைக்கு மூவேந்தர் முன்னணி கழகம் சார்பாக மாநில தலைமை கழக செயலாளர் வேலுச்சாமி தலைமையில் மாலை அணிவித்து மரியாதை செலுத்தப்பட்டது.

இந்நிகழ்வில் மாவட்ட செயலாளர் பகவதி, மண்டல தலைவர் நாகராஜ்தேவர், மாநில துணைத்தலைவர் முத்துராமலிங்கம், மற்றும் நிர்வாகிகள் வைகை.பத்மநாபன், சாலை.பிரபாகரன், ஒச்சாத்தேவர், எஸ்.ஆர்.பாண்டி, வழக்கறிஞர் மணிகண்டன், செல்வராஜ், அர்ஜூன், தமிழரசன் உள்பட ஏராளமானோர் கலந்து கொண்டனர்.

கல்வித்தந்தை பீ.கே மூக்கையா தேவரின் 100-வது பிறந்த நாளை முன்னிட்டு மதுரை அரசரடியில் உள்ள அவரது உருவ சிலைக்கு பல்வேறு அரசியல் கட்சியினர் மாலை அணிவித்து மரியாதை செலுத்தினர்.

அந்த வகையில் பி.கே.மூக்கையாத் தேவரின் சிலைக்கு பாஜக சார்பாக மாநகர் மாவட்ட தலைவர் மகா.சுசீந்திரன் தலைமையில் மாலை அணிவித்து மரியாதை செலுத்தப்பட்டது.

இந்நிகழ்வில் மாவட்ட துணைத்தலைவர் கீரைத்துரை குமார், மாவட்ட பொருளாளர் ராஜ்குமார், மாவட்ட பொதுச் செயலாளர் வினோத்குமார், காளவாசல் மண்டல் தலைவர் முனைவர் பிச்சைவேல், மகளிரணி மாவட்ட தலைவி ஓம்சக்தி தனலட்சுமி, ஊடக பிரிவு மாவட்ட தலைவர் ரவிச்சந்திரபாண்டியன் மற்றும் மாவட்ட செயலாளர் தீபா செல்லப்பாண்டி உள்பட ஏராளமானோர் கலந்து கொண்டனர்.

மதுரை சினிப்ரியா திரையரங்கில் விடுதலை திரைப்படம் வெளியானதை முன்னிட்டு அவரது ரசிகர்கள் பட்டாசு வெடித்து இனிப்புகளை வழங்கி கொண்டாடினர்.

விடுதலை படத்தை பார்ப்பதற்காக வந்த கதாநாயகன் சூரிக்கு ஆளுயர மாலை அணிவித்து ரசிகர்கள் வரவேற்பு அளித்தனர். பின்னர் ரசிகர்களோடு அமர்ந்து திரைப்படத்தை சூரி பார்த்தார்.

முன்னதாக செய்தியாளர்களை சந்தித்து சூரி கூறுகையில்:-

நல்ல திரைப்படத்தை மக்கள் வெற்றி பெற வைப்பார்கள் என்ற நம்பிக்கை எனக்கு இருக்கிறது. எந்த திரைப்படத்தையும் வெற்றி படமாக கொண்டு செல்வது ரசிகர்கள் தான்.
நான் கதாநாயகனாக நடித்த முதல் திரைப்படத்தை எனது ரசிகர்கள் வெற்றியுடன் கொண்டாடி வருகின்றனர்.

ரோகினி திரையரங்கில் நடைபெற்ற அனுமதி மறுப்பு சம்பவம் குறித்த கேள்விக்கு பதிலளித்த சூரி,
எல்லோரும் சமம், எல்லோரும் ஒன்றுதான் என்பதை தெரியப்படுத்த தான் திரையரங்கு வந்தது. நீ நான் என்ற வேறுபாடு திரையரங்கிற்கு கிடையாது.இந்த சம்பவத்திற்கு நான் வருந்துகிறேன் என கூறினார்.