Friday , May 20 2022
Breaking News
Home / உலகம் (page 2)

உலகம்

World

IPL 2022 today’s game KKR vs LSG- ஐபிஎல் 2022 இன்றைய போட்டி: லக்னோ-கொல்கத்தா- ஓப்பனிங்கில் அதிரடி வீரர் சுனில் நரைன்?

ஐபிஎல் கிரிக்கெட் தொடரில் இன்று நடைபெறும் லீக் ஆட்டம் கொல்கத்தாவின் பிளே ஆஃப் வாய்ப்பை தீர்மானிக்கும் போட்டியாகும். மோதும் அணிகளின் பலம், பலவீனம் குறித்த ஒரு அலசலே இந்த முன்னோட்டம்

ஐபிஎல் கிரிக்கெட் தொடரில் இன்று நடைபெறும் லீக் ஆட்டம் கொல்கத்தாவின் பிளே ஆஃப் வாய்ப்பை தீர்மானிக்கும் போட்டியாகும். மோதும் அணிகளின் பலம், பலவீனம் குறித்த ஒரு அலசலே இந்த முன்னோட்டம்

நடப்பாண்டு ஐபிஎல் கிரிக்கெட் தொடரின் லீக் சுற்றுப் போட்டிகள் இறுதி ஆட்டத்தை எட்டி இருக்கிறது. ஒவ்வொரு அணிகளுக்கும் 13 போட்டிகள் முடிவடைந்து கடைசி லீக் ஆட்டத்தில் களம் இறங்குகின்றன.

இன்று இரவு 7.30 மணிக்கு மும்பை டி.ஒய்.பாடீல் மைதானத்தில் நடைபெறும் 66 ஆவது லீக் ஆட்டத்தில் கே.எல். ராகுல் தலைமையிலான லக்னோ சூப்பர் ஜெயின்ட் அணியும் – ஷ்ரேயஸ் ஐயர் தலைமையிலான கொல்கத்தா நைட் ரைடர்ஸ் அணியும் பலப்பரீட்சை நடத்துகின்றன.

இரு அணிகளும் கடைசி லீக் ஆட்டத்தில் களம்காண்பதுடன் பிளே ஆஃப் வாய்ப்பை உறுதி செய்யும் போட்டியாக இந்த ஆட்டம் அமைந்துள்ளது.

லக்னோ அணியை பொறுத்தவரை 13 போட்டிகளில் விளையாடி 8 வெற்றிகளை குவித்து புள்ளி பட்டியலில் மூன்றாவது இடத்தில் இருப்பதுடன் ஏறக்குறைய பிளே ஆஃப் சுற்று வாய்ப்பை உறுதி செய்துள்ளது.

இன்று நடைபெறும் கடைசி லீக் ஆட்டத்தில் வெற்றியை வசப்படுத்தினால் முதலிரண்டு இடத்துக்கு முன்னேற முடியும் என்பதால் வெற்றிக்காக கடுமையாக போராடுவார்கள் என எதிர்பார்க்கப்படுகிறது.

தொடர்ந்து நான்கு ஆட்டங்களில் வெற்றியை வசப்படுத்திய லக்னோ கடைசியாக விளையாடிய 2 போட்டிகளில் தோல்வியை சந்தித்ததால் பட்டியலில் இரண்டாவது இடத்தில் இருந்து மூன்றாவது இடத்துக்கு பின் தள்ளப்பட்டுள்ளது. பேட்டிங்கில் கே.எல்.ராகுல், டி காக், ஹூடா ஆகிய மூவரும் நல்ல ஃபார்மில் உள்ளனர், ஒட்டுமொத்த அணியின் எண்ணிக்கையில் 61 விழுக்காடு இவர்கள் அடித்ததே.

மிடில் ஆர்டரில் விளையாடும் பதோனிக்கு மாற்றாக மணிஷ் பாண்டே, ஸ்டாய்னிஸ்-க்கு பதில் லிவிஸை களமிறக்க வாய்ப்புள்ளது. பந்துவீச்சில் அவேஷ் கான், பிஸ்னாய், ஹோல்டர் ஆகியோர் அசத்தி வருகின்றனர்.

கொல்கத்தா அணியை பொறுத்தவரை 13 போட்டிகளில் விளையாடி 6 வெற்றிகளை பதிவு செய்து புள்ளிப் பட்டியலில் ஆறாவது இடத்தில் உள்ளது. சுனில் நரைனின் பேட்டிங்கை காலி செய்ததுதான் கொல்கத்தாவின் கைங்கரியமாக இருந்து வருகிறது, நிச்சயம் அவரை தொடக்கத்தில் இறக்கி விட்டால் பவர் ப்ளேயில் துவம்சம் செய்தால் கொல்கத்தா பெரிய இலக்கை எட்டி, பெரிய மார்ஜினில் வென்று நல்ல நெட் ரன் ரேட்டுடன் மற்ற முடிவுகளுக்காக காத்திருக்கலாம்.

இந்த போட்டியில் இமாலய வெற்றியை பதிவு செய்தாலும் அடுத்து நடைபெறவுள்ள போட்டி முடிவுக்காக கொல்கத்தா காத்திருக்க வேண்டிய நிலை ஏற்பட்டுள்ளது.

ரஹானேவிற்கு காயம் ஏற்பட்டுள்ளதால் அவருக்கு பதில் பாபா இந்திரஜித் அல்லது ஷெல்டன் ஜேக்‌சன் களமிறக்கப்படவுள்ளனர். உமேஷ் யாதவ் காயத்திலிருந்து மீண்டு அணிக்கு திரும்பியது கூடுதல் நம்பிக்கையை ஏற்படுத்தியுள்ளது. சுனில் நரைன் ரன்களை விட்டுக்கொடுக்காமல் அசத்தி வருகிறார். ஆறு ரன்களுக்கும் குறைவான சிக்கன விகிதத்தில் வலம்வருவது எதிரணியை மிரட்டுகிறது.

கேப்டன் ஷ்ரேயஸ் எழுச்சி பெறவேண்டியது அணியின் அவசர தேவையாகும். கடைசியாக விளையாடிய ஆறு போட்டிகளில் 115 ரன்கள் மட்டுமே அடித்துள்ளார். மிடில் ஆர்டரில் இவர் அசத்தினால் மட்டுமே இமாலய ஸ்கோரை எட்டமுடியும்.

THANKS TO : NEWS 18 TAMIL

VIKRAM: விக்ரம் படத்துல சூர்யா இவ்ளோ நேரம் வருவாரா ? அப்போ ரசிகர்களுக்கு கொண்டாட்டம் தான்..!

தற்போது கோலிவுட்டின் ஹாட் டாபிக்காக மாறியுள்ளது விக்ரம் திரைப்படம் தான். லோகேஷ் கனகராஜ் இயக்கத்தில் கமல் நடித்து தயாரித்திருக்கும் இப்படத்தின் மீது ரசிகர்களின் எதிர்பார்ப்பு நாளுக்கு நாள் அதிகரித்துள்ளது.

படத்தை அறிவித்த நாள் முதல் இப்படத்தின் போஸ்டர்கள், பாடல்கள், ட்ரைலர் என அனைத்தும் ரசிகர்களின் அமோக வரவேற்பை பெற்றுள்ளது. கடந்த வாரம் இப்படத்திலிருந்து பத்தல பத்தல எனும் பாடல் வெளியாகி செம ஹிட்டானது.


அனிருத் இசையில் கமல் எழுதி பாடியிருக்கும் இப்பாடல் ரசிகர்களின் அமோக வரவேற்பை பெற்றது. அதைத்தொடர்ந்து இப்படத்தின் ட்ரைலரும் படத்தின் மீதான எதிர்பார்ப்பை மேலும் கூட்டியது.
இந்நிலையில் சில நாட்களுக்கு முன் விக்ரம் படத்தில் கமலுடன் நடிகர் சூர்யா கெஸ்ட் ரோலில் நடித்திருப்பதாக தகவல்கள் வந்தன.

இது சமூகத்தளங்களில் பேசும் பொருளாக மாறியது. அதைத்தொடர்ந்து சூர்யா மற்றும் விக்ரம் இருக்கும் வீடியோ ஒன்று இணையத்தில் வெளியானது. இதனை பார்த்த ரசிகர்கள் சூர்யா இப்படத்தில் நடிப்பது உறுதிதான் என்று பேசிவந்தார். ஆனால் படக்குழுவிடமிருந்து எந்த ஒரு அதிகாரபூர்வ அறிவிப்பும் வெளியாகவில்லை.

இந்நிலையில் சமீபத்தில் நடந்த இசை வெளியீட்டு விழாவில் லோகேஷ் கனகராஜ் நடிகர் சூர்யா இப்படத்தில் கெஸ்ட் ரோலில் நடித்திருப்பதை உறுதி செய்தார். இதனால் சூர்யா ரசிகர்கள் உச்சகட்ட மகிழ்ச்சியில் இருக்கின்றனர்.

இதைத்தொடர்ந்து சூர்யா இப்படத்தில் 10 நிமிடங்களுக்கு மேல் வருவாராம். படத்தில் மிகமுக்கியமான கதாபாத்திரமாக சூர்யாவின் கதாபாத்திரம் இருக்குமென்றும், மேலும் சூர்யா படத்தில் பத்து நிமிடங்களுக்கு மேல் வருவார் என்றும் ஒரு தகவல் இணையத்தில் பரவிவருவது குறிப்பிடத்தக்கது.

THANKS TO : SAMAYAM TAMIL

கரூரில் 2-வது நாளாக ஜவுளி உற்பத்தி நிறுவனங்கள் வேலைநிறுத்தம்

கரூர்ரூ.100 கோடி இழப்புநூல் விலையை குறைக்க வலியுறுத்தி கரூர் ஜவுளி உற்பத்தியாளர்கள் மற்றும் ஏற்றுமதியாளர்கள் சங்கம், கரூர் வீவிங் மற்றும் நிட்டிங் ஓனர் அசோசியேசன், கரூர் ஏற்றுமதி துணி உற்பத்தியாளர்கள் சங்கம், கரூர் நூல் வர்த்தகர்கள் சங்கம் ஆகிய சங்கங்களை சேர்ந்தவர்கள் நேற்று முன்தினம் கவனஈர்ப்பு வேலை நிறுத்தத்தில் ஈடுபட்டனர். இதன் காரணமாக கரூர் பகுதிகளில் உள்ள ஜவுளி உற்பத்தி நிறுவனங்கள் மற்றும் அதனை சார்ந்த நிறுவனங்கள் அடைக்கப்பட்டிருந்தனர். 

இதில் 400 ஜவுளி உற்பத்தி மற்றும் ஏற்றுமதி நிறுவனங்கள், 400 உள்நாட்டு ஜவுளி உற்பத்தியாளர்கள், 150 நூல் வினியோகஸ்தர்கள் மற்றும் வர்த்தகர்கள், 50 டையிங் மற்றும் பிரிண்டிங் தொழிற்சாலைகள், 500-க்கும் மேற்பட்ட சிறுதையல் நிறுவனங்கள், 500-க்கும் மேற்பட்ட ஜவுளி தொழில் சார்ந்த நிறுவனங்கள் மூலமாக சுமார் இரண்டரை லட்சம் தொழிலாளர்கள் வேலைநிறுத்தத்தில் ஈடுபட்டனர். இதனால் ஜவுளி உற்பத்தி, ஏற்றுமதி, டையிங், பிரிண்டிங் உள்ளிட்ட பணிகள் எதுவும் நடைபெறவில்லை. இந்த வேலை நிறுத்தத்தின் காரணமாக நேற்று முன்தினம் கரூர் மாவட்டத்தில் சுமார் ரூ.100 கோடிக்கும் அதிகமான அளவில் ஜவுளி உற்பத்தி இழப்பு ஏற்பட்டது.2-வது நாளாகஇந்நிலையில் தொடர்ந்து 2-வது நாளாக நேற்றும் ஜவுளி உற்பத்தி நிறுவனங்கள் வேலை நிறுத்தத்தில் ஈடுபட்டனர். இதனால் செங்குந்தபுரம், வையாபுரிநகர், வடிவேல்நகர், ராமகிருஷ்ணபுரம், காமராஜபுரம், எம்.ஜி.ரோடு உள்ளிட்ட பகுதிகளில் ஜவுளி நிறுவனங்கள் மற்றும் அதனை சார்ந்த தொழில் நிறுவனங்கள் அடைக்கப்பட்டிருந்தன.

THANKS TO : DAILY THANTHI

கொரோனாவால் மிரளும் வட கொரியா…தென் கொரியா உதவ முன்வந்தும் ஏற்க மறுப்பு


கொரோனாவால் மிரளும் வட கொரியா...தென் கொரியா உதவ முன்வந்தும் ஏற்க மறுப்பு

பியாங்யாங்,
கொரோனா தொற்று உருவான காலகட்டத்தில் இருந்து தங்கள் நாட்டில் ஒருவருக்கு கூட தொற்று ஏற்படவில்லை என தெரிவித்து வந்த வடகொரியா, முதன் முறையாக நாட்டில் பரவி வரும் கொரோனா பரவல் குறித்து தெரிவித்துள்ளது. அந்த நாட்டின் தலைவர் கிம் ஜாங் அன் கடந்த 12ந்தேதி அதிகாரபூர்வ அறிவிப்பு வெளியிட்டார்.

அதனை தொடர்ந்து, நாடு முழுவதும் ஊரடங்கு பொதுமுடக்கமும் அறிவிக்கப்பட்டது.  இதனை முன்னிட்டு அந்நாட்டின் அனைத்து மாகாணங்கள், அனைத்து நகரங்கள் மற்றும் கவுன்டி பகுதிகளிலும் முழு அளவில் ஊரடங்கு அறிவிக்கப்பட்டு உள்ளது.
அந்த நாட்டில் இதுவரை ஒருவர்கூட தடுப்பூசி போடவில்லை. கொரோனாவுக்கு எதிரான பேராயுதம் தடுப்பூசிதான் என்கிற நிலையில் அங்கு யாரும் தடுப்பூசி போட்டு கொள்ளாத சூழலிலும், போதிய சிகிச்சை வசதிகள் இல்லாத நிலையிலும் வடகொரியா என்ன செய்ய போகிறது என உலக நாடுகள் உற்று நோக்கி வருகின்றன.
அந்நாட்டில், கடந்த 24 மணிநேரத்தில் 2,69,510 பேருக்கு மர்ம காய்ச்சல் பரவியுள்ளது என இன்று தகவல் வெளிவந்துள்ளது.  6 பேர் உயிரிழந்து உள்ளனர்.  இதனால், வடகொரியாவில் பலி எண்ணிக்கை 56 ஆக உயர்ந்துள்ளது.
வடகொரியாவில், காய்ச்சல் பாதிப்புகளை விட கொரோனா பெருந்தொற்று பாதிப்பு அதிக அளவில் இருக்க கூடும் என கூறப்படுகிறது.  கொரோனாவுக்கான பரிசோதனை பற்றாக்குறை, கண்காணிப்பு பணிகளை மேற்கொள்ள முடியாமை, பாதிக்கப்பட்ட மக்களுக்கு போதிய சிகிச்சை வசதி இல்லாதது ஆகியவை அந்நாட்டில் காணப்படுகிறது.
2.6 கோடி மக்களுக்கான கொரோனா தடுப்பூசி பற்றாக்குறை தவிர்த்து, ஊட்டச்சத்து பற்றாக்குறையிலும் வடகொரியா சிக்கி தவித்து வருகிறது.  வறுமை நிலை மற்றும் பொது சுகாதாரத்திற்கு தேவையான மருந்துகள் அல்லது ஐ.சி.யூ. வசதிகள் குறைவாக உள்ளன.
இந்த நிலையில், கொரோனாவின் பிடியில் சிக்கியுள்ள வடகொரியாவிற்கு தடுப்பூசி மற்றும் மருத்துவ உபகரணங்களை வழங்க தென் கொரியா முன்வந்துள்ளது. ஆனால், தென் கொரியாவின் உதவியை ஏற்க வடகொரியா இதுவரை முன்வரவில்லை. 

THANKS TO : DAILY THANTHI

தமிழகத்தில் உயர்கல்வி படிப்போர் அதிகம்: தனியார் பல்கலைக்கழக விழாவில் பங்கேற்ற ஸ்டாலின் பெருமிதம்

மாமல்லபுரம்: தேசிய அளவில் உயர்கல்வியில் மாணவர்கள் சேர்ந்து படிப்பது 27.1 சதவீதமாக உள்ள நிலையில், தமிழகத்தில் இது 51.4 சதவீதமாக உள்ளது என்று முதல்வர் மு.க.ஸ்டாலின் கூறினார்.

செங்கல்பட்டு மாவட்டம், மாமல்லபுரம் அடுத்த பையனூர் கிராமத்தில் அமைந்துள்ள சாய் பல்கலைக்கழகத்தின் புதிய கட்டிடம் திறப்பு விழா பல்கலை. வேந்தர் கே.வி.ரமணி தலைமையில் நேற்று நடைபெற்றது. இதில், தமிழக முதல்வர் மு.க.ஸ்டாலின் சிறப்பு அழைப்பாளராக பங்கேற்றார். மேலும், பல்கலைக்கழகத்தின் முதல் கட்டிடத்தை திறந்து வைத்து, இரண்டாவது கட்டிடத்துக்கான கல்வெட்டை திறந்துவைத்து, அடிக்கல் நாட்டினார்.

பின்னர், நிகழ்ச்சியில் முதல்வர் ஸ்டாலின் பேசியதாவது: தமிழக அரசு உயர் கல்வியில் முதலில் இருந்தே மிகுந்த கவனம் செலுத்தி வருகிறது. மறைந்த முன்னாள் முதல்வரும் திமுக தலைவருமான கருணாநிதி உயர் கல்விக்கான நுழைவுத் தேர்வை ரத்து செய்தார். இதன்மூலம், அனைவரும் எளிய முறையில் உயர்கல்வி பயின்றனர். இதனால், தேசிய அளவில் உயர் கல்வியில் மாணவர்கள் சேர்ந்து படிப்பது 27.1 சதவீதமாக உள்ள நிலையில் தமிழகத்தில் இது 51.4 சதவீதமாக உள்ளது.

பள்ளிக் கல்விக்கு முக்கியத்துவம் கொடுத்தவர் காமராஜர், உயர் கல்விக்கு கருணாநிதி முக்கியத்துவம் கொடுத்தார். இனி வரும் காலம் உயர் கல்விக்கு பொற்காலமாக இருக்கும்.

இந்த பல்கலைக்கழகம் தொடங்கப்பட்டிருப்பது மகிழ்ச்சியளிக்கிறது. உயர் கல்விக்கு இந்த பல்கலைக்கழகம் உறுதுணையாக இருக்க வேண்டும். இங்கு கல்வி கற்க வருகை தரும் மாணவர்களுக்கு வாழ்த்துகள் என்று கூறினார்.

இந்நிகழ்ச்சியில், உயர்கல்வித் துறை அமைச்சர் பொன்முடி, குறு சிறு மற்றும் நடுத்தர தொழில் துறை அமைச்சர் தா.மோ.அன்பரசன், மாவட்ட ஆட்சியர் ராகுல்நாத், காஞ்சிபுரம் எம்பி செல்வம், திருப்போரூர் எம்எல்ஏ பாலாஜி மற்றும் பல்கலைக்கழக பேராசிரியர்கள், நிர்வாகிகள் என பலர் கலந்துகொண்டனர்.

THANKS TO : HINDU TAMIL ISAI

இலங்கையின் புதிய பிரதமராக ரணில் விக்கிரமசிங்கே இன்று அல்லது நாளை பதவியேற்பு; காத்திருக்கும் சவால்…!

இலங்கையின் புதிய பிரதமராக ரணில் விக்கிரமசிங்கே இன்று அல்லது நாளை பதவியேற்க உள்ளதாக தகவல் வெளியாகி உள்ளது.

தீவு நாடான இலங்கையில் 75 ஆண்டு கால வரலாற்றில் இல்லாத வகையில் பொருளாதாரம் முற்றிலுமாய் சீர்குலைந்தது. அன்னிய செலாவணி கையிருப்பு குறைந்து, இறக்குமதிக்கும் வழியில்லாமல் போனது. மக்களின் அன்றாட வாழ்க்கை கேள்விக்குறியானது. இலங்கையில் ஏற்பட்டுள்ள பொருளாதார நெருக்கடிக்கு ராஜபக்சேவே காரணம் என்று கூறும் அங்குள்ள மக்கள் தொடர் போராட்டத்தில் ஈடுபட்டு வந்தனர். 

கடந்த வெள்ளிக்கிழமையன்று அதிபர் கோத்தபய ராஜபக்சே அவசர நிலையை பிரகடனம் செய்தும், அதில் எந்தவொரு பலனும் அளிக்கவில்லை.  இலங்கையில் நிலவி வரும் அசாதாரண சூழ்நிலையில் கொழும்பு உள்ளிட்ட நாட்டின் பல பகுதிகளில் அந்நாட்டு ராணுவம் சிறப்பு பாதுகாப்பு அளித்து வருகிறது.  இந்த நிலையில், மகிந்த ராஜபக்சே பிரதமர் பதவியை ராஜினாமா செய்துள்ளார்.
எனினும், அரசுக்கு எதிராக போராடியவர்களுக்கும் மகிந்த ராஜபக்சே ஆதரவாளர்களுக்கும் இடையே மோதல் வெடித்தது. ராஜபக்சே ஆதரவாளர்கள் வன்முறையை தூண்டியதில், இலங்கை பற்றி எரிந்தது. அம்பன்தோட்டாவில் உள்ள அதிபர் கோத்தபய ராஜபக்சே, மகிந்த ராஜபக்சே ஆகியோரின் குடும்ப வீட்டை போராட்டக்காரர்கள் தீயிட்டு கொளுத்தினர்.

இந்த வன்முறைகளில் ஆளுங்கட்சியான இலங்கை பொதுஜன பெரமுனாவின் எம்.பி. அமரகீர்த்தி அத்துகோரளாவும், அவரது பாதுகாவலரும் பலியாகினர். வன்முறைகளில் மொத்தம் 8 பேர் உயிரிழந்தனர். பல நூறு பேர் படுகாயம் அடைந்தனர். 217 பேர் கொழும்பு தேசிய ஆஸ்பத்திரியில் சேர்க்கப்பட்டுள்ளனர்.

இலங்கையின் மத்திய வங்கியின் கவர்னர் பி.நந்தலால் வீரசிங்கே இலங்கையில் 2 நாளில் புதிய அரசு அமையாவிட்டால் பொருளாதாரம் சீர்குலைந்துவிடும். அடுத்த இரு வாரங்களில் அரசியல் கட்சிகள் ஸ்திரத்தன்மையை உறுதிப்படுத்தாவிட்டால் நான் மத்திய வங்கியின் கவர்னர் பதவியில் இருந்து விலகுவேன். தற்போதைய நெருக்கடிக்கு அரசியல் தீர்வு இல்லாமல் நாட்டின் பொருளாதாரத்தை மீட்டெடுப்பதற்காக வங்கி மேற்கொண்டுள்ள நடவடிக்கைகள் வெற்றியடையாது என தெரிவித்து உள்ளார்.
இந்த நிலையில்  அதிபர்  கோத்தபய ராஜபக்சே கூறும்போது, இலங்கையில் ராஜபக்சேக்கள் இல்லாத  அமைச்சரவையை நியமிப்பேன் என அறிவித்து உள்ளார்.  
இந்த புதிய அமைச்சரவை அரசியல் சாசன சீர்திருத்தங்களை கொண்டு வரும் என கூறப்படுகிறது.  இதனால், ராஜபக்சேக்களுக்கு எதிராக போராட்டத்தில் ஈடுபட்டுள்ள மக்களின் மனப்பான்மையில் சற்று மாற்றம் ஏற்படும்.  அதனுடன் இலங்கையில் ஏற்பட்டுள்ள நெருக்கடிக்கு தீர்வு காணப்படும் என எதிர்பார்க்கப்படுகிறது.
இலங்கையில் புதிய பிரதமர் தலைமையிலான அமைச்சரவை இந்த வாரத்திற்குள் அமைக்கப்படும் என அதிபர்  கோத்தபய ராஜபக்ச நாட்டு மக்களுக்கு உரையாற்றும் போது தெரிவித்து உள்ளார்.
இந்நிலையில் ஐக்கிய தேசியக் கட்சியின் தலைவர் ரணில் விக்ரமசிங்க இன்று அல்லது நாளை புதிய பிரதமராக பதவிப் பிரமாணம் செய்து கொள்வார் என அதிபர்  செயலக  தகவல்கள் தெரிவிக்கின்றன.
குறுகிய காலத்திற்கேனும் பிரதமர் பதவியை ஏற்றுக் கொள்ளுமாறு அதிபர்,  ரணில் விக்ரமசிங்க-விடம்  கோரியதாகவும், அவரின் அழைப்பை ஏற்று பிரதமர் பதவியை ஏற்க ரணில் தீர்மானித்துள்ளதாகவும் தெரியவந்து உள்ளது. 
அதிபர் கோத்தபய ராஜபக்ச  ரணில் விக்ரமசிங்கவும் நேற்று  ஆலோசனை நடத்தினர். இது சுமார் ஒரு மணி நேரம் நீடித்ததாக கூறப்படுகிறது.
அதேவேளை, புதிய பிரதமராக பதவிப் பிரமாணம் செய்து கொண்ட பின்னர் தான்  ரணில் விக்ரமசிங்க நாடாளுமன்றத்தில் பெரும்பான்மையைப் பெற முடியும் என ஐக்கிய தேசியக் கட்சியின் தலைவர் வஜிர அபேவர்தன  தெரிவித்துள்ளார்.
ஸ்ரீலங்கா பொதுஜன பெரமுனவின் உறுப்பினர்கள், ஐக்கிய மக்கள் சக்தி கட்சியின் ஒரு பிரிவினர் மற்றும்  பல கட்சிகள் ஏற்கனவே ரணில் விக்ரமசிங்கவிற்கு தங்களது ஆதரவை தெரிவித்துள்ளதாக அரசியல் வட்டாரங்கள் தெரிவிக்கின்றன.
புதிதாக நியமிக்கப்படவுள்ள அமைச்சரவையில் மக்களால் நிராகரிக்கப்பட்டவர்களுக்கு அமைச்சர் பதவிகள் வழங்கப்படக்கூடாது எனதெரிவிக்கப்பட்டு உள்ளது.
அமைச்சரவை அமைச்சர்களின் எண்ணிக்கை 15 ஆக குறைக்கப்பட உள்ளது.
இன்று அல்லது நாளை ரணில் விக்ரமசிங்க புதிய பிரதமராக பதவியேற்கவுள்ளதாக செய்தி வெளியாகி உள்ளது.

THANKS TO : DAILY THANTHI

அசானி புயல் சின்னம் எதிரொலி: சென்னை விமான நிலையத்தில் 17 உள்நாட்டு விமான சேவை ரத்து..

அசானி புயல் சின்னம் காரணமாக சென்னை விமான நிலையத்தில் 17 உள்நாட்டு விமான சேவை ரத்து செய்யப்பட்டன. மேலும் சென்னையில் இருந்து அந்தமானுக்குவிமானங்கள் தாமதம் காலதாமதமாக புறப்பட்டு சென்றன.

வங்க கடலில் உருவாகி உள்ள ‘அசானி’ புயல் ஆந்திரா-ஒடிசா மாநிலங்களை மிரட்டிக்கொண்டிருக்கிறது. அதோடு தமிழகத்திலும் பரவலாக சென்னை உள்ளிட்ட பல்வேறு பகுதிகளில் பலத்த மழை முதல் லேசான மழை வரை பெய்தது. இந்த நிலையில், 2-வது நாளாக நேற்று சென்னையில் இருந்து ஆந்திர மாநிலம் விசாகப்பட்டினம் செல்ல வேண்டிய 3 விமானங்களும், விஜயவாடா செல்ல வேண்டிய 2 விமானங்களும் ராஜமுந்திரி செல்ல வேண்டிய ஒரு விமானமும் ரத்து செய்யப்பட்டன. 

அதேபோல் விசாகப்பட்டினம், விஜயவாடா, ராஜமுந்திரி ஆகிய நகரங்களில் இருந்து சென்னை வர வேண்டிய 6 விமானங்களும் ரத்து செய்யப்பட்டு உள்ளன. மேலும், பெங்களூரு, ஜெய்ப்பூர், கொல்கத்தா, ஐதராபாத் ஆகிய நகரங்களுக்கான 5 விமானங்களும் ரத்து செய்யப்பட்டது.

மேலும் சென்னையில் இருந்து அந்தமானுக்கு காலை 8.15 மணிக்கு செல்ல வேண்டிய விமானம் 11.30 மணிக்கும், காலை 8.30 மணிக்கும் செல்ல வேண்டிய விமானம் பகல் 1.30 மணிக்கும் காலதாமதமாக புறப்பட்டு சென்றன.

THANKS TO : DAILY THANTHI

இலங்கை:குழம்பிய குட்டையில் ஜரூராக மீன்பிடிக்கும் சீனா-அடுத்த பிரதமராகும் சஜித் பிரேமதாசவுடன் பேச்சு!

கொழும்பு: இலங்கையில் அதிஉச்சகட்ட அரசியல் குழப்பம் நீடித்து வரும் நிலையில் அடுத்த பிரதமராக வாய்ப்புள்ளவராக கருதப்படும் எதிர்க்கட்சித் தலைவர் சஜித் பிரேமதாவை இலங்கைக்கான சீனாவின் தூதர் சந்தித்து பேசியிருப்பது பெரும் பரபரப்பை ஏற்படுத்தி இருக்கிறது.

இலங்கையில் பொருளாதார நெருக்கடிகளுக்கு தீர்வு காண முடியாத அரசாங்கம் பதவி விலக வேண்டும் என்பதை வலியுறுத்தி அந்த நாடு பற்றி எரிகிறது. தென்னிலங்கை, வட இலங்கை என அனைத்து நிலமும் போர்க்களமாக உருமாறிக் கிடக்கிறது. தலைநகர் கொழும்பில் ஒரு மாத காலமாக ஜனாதிபதி கோத்தபாய ராஜபக்சே, பிரதமர் மகிந்த ராஜபக்சே ராஜினாமா செய்ய கோரி போராட்டங்கள் தொடருகின்றன.

Thanks to One India….

ஐ.பி.எல் தொடரில் இருந்து சூர்யகுமார் யாதவ் விலகல்

சூர்யகுமார் யாதவ் காயம் காரணமாக, ஐ.பி.எல் தொடரின் எஞ்சிய ஆட்டங்களில் இருந்து விலகினார்.
ஐ.பி.எல். கிரிக்கெட் போட்டிக்கான மும்பை இந்தியன்ஸ் அணியில் இடம் பெற்று இருந்த மிடில் ஆர்டர் பேட்ஸ்மேன் சூர்யகுமார் யாதவ் இடதுகையின் தசைப்பகுதியில் ஏற்பட்ட காயம் காரணமாக இந்தபோட்டி தொடரின் எஞ்சிய ஆட்டங்களில் இருந்து விலகினார். 

குஜராத் டைட்டன்ஸ் அணிக்கு எதிராக கடந்த 6-ந் தேதி நடந்த ஆட்டத்தின் போது காயம் அடைந்த சூர்யகுமார் யாதவின் நிலைமை குறித்து இந்திய கிரிக்கெட் வாரியத்தின் உடல் தகுதிநிபுணர்களுடன் கலந்து ஆலோசித்த மும்பை இந்தியன்ஸ் அணி நிர்வாகம் கொல்கத்தா அணிக்கு எதிரான நேற்றைய ஆட்டத்திற்கு முன்பாக அவரை அணியில் இருந்து விடுவிக்கும் முடிவை எடுத்தது. 

ஐ.பி.எல். போட்டிக்கு முன்பாக நடந்த வெஸ்ட்இண்டீசுக்கு எதிரான கடைசி 20 ஓவர் போட்டியில் கை பெருவிரலில் காயம் அடைந்ததால் முதல் 2 லீக் ஆட்டங்களை தவற விட்ட சூர்யகுமார் யாதவ் மீண்டும் காயத்தில் சிக்கி இருக்கிறார்.

 இதனால் அவர் அடுத்த மாதம் நடைபெறும் தென்ஆப்பிரிக்காவுக்கு எதிரான 20 ஓவர் போட்டி தொடருக்கு முன்பாக உடல் தகுதியை எட்டி இந்திய அணியில் இடம் பிடிக்க முடியுமா? என்றகேள்விக்குறி எழுந்துள்ளது. ஐ.பி.எல். போட்டியில் இந்த சீசனில் சூர்யகுமார் யாதவ் 8 ஆட்டங்களில் ஆடி 3 அரைசதத்துடன் 303 ரன்கள் எடுத்துள்ளார். அவரது விலகல் மும்பை அணிக்கு மேலும் ஒரு பின்னடைவாகும்.

THANKS TO DINATHANTHI..

» உதயநிதி ஸ்டாலின் நடிக்கும் ‘நெஞ்சுக்கு நீதி’ படத்தின் டிரைலர் வெளியீடு..!

ஆயுஷ்மான் குரானா நடிப்பில், கடந்த 2019-ம் ஆண்டு இந்தியில் வெளியாகி நல்ல வரவேற்பை பெற்ற ‘ஆர்டிக்கிள் 15’ திரைப்படம், தமிழில் ‘நெஞ்சுக்கு நீதி’ என்ற பெயரில் ரீமேக் செய்யப்பட்டுள்ளது.

தமிழில் இந்தப் படத்தை அருண்ராஜா காமராஜ் இயக்க, உதயநிதி ஸ்டாலின் நாயகனாக நடித்துள்ளார். தான்யா ரவிச்சந்திரன், ஷிவானி ராஜசேகர், ஆரி உள்ளிட்ட பலரும் முக்கிய கதாபாத்திரங்களில் நடித்துள்ளனர்.

நெஞ்சுக்கு நீதி திரைப்படத்தை போனி கபூர் மற்றும் ஜீ ஸ்டூடியோஸ் நிறுவனம் இணைந்து வழங்க, ரோமியோ பிக்சர்ஸ் நிறுவனம் தயாரித்துள்ளது. திபு நிணன் தாமஸ் இசையமைத்துள்ளார். தினேஷ் கிருஷ்ணன் ஒளிப்பதிவு செய்துள்ளார்.
இந்த திரைப்படம் வருகிற 20-ம் தேதி வெளியாக உள்ளது. இந்த நிலையில் நெஞ்சுக்கு நீதி படத்தின் டிரைலர் தற்போது வெளியாகி உள்ளது. டிரைலர் மற்றும் இசை வெளியீட்டு விழாவில் நடிகர் சிவகார்த்திகேயன் மற்றும் அமைச்சர் அன்பில் மகேஷ் உள்ளிட்டோர் கலந்து கொண்டனர். இந்த திரைப்படத்தின் டிரைலர் தற்போது வைரலாகி வருகிறது.

THANKS TO KUMARI EXPRESS.

இரத்தம் வேண்டுமா?
NKBB TECHNOLOGIES