Wednesday , March 3 2021
Breaking News
Home / தமிழகம் / ராமதாஸை இழுக்கும் டிடிவி தினகரன்..

ராமதாஸை இழுக்கும் டிடிவி தினகரன்..

அமமுக டிடிவி தினகரன் பாமவுடன் கூட்டணிப் பேச்சுவார்த்தை நடத்துவதாக தகவல் வெளியாகியுள்ளது.

அரசியலைப் பொறுத்தவரை எது வேண்டுமானாலும் எப்போது வேண்டுமானாலும் நடக்கலாம். அதுவும் தேர்தல் நெருங்கும் சமயத்தில் எந்த கட்சி எந்த கூட்டணியில் இடம்பெறும், யார் யாருக்கு எதிரியாக, நண்பராக மாறுவார்கள் என்பதை முற்றிலும் கணித்துவிட முடியாது.

அந்த வகையில் தமிழக தேர்தல் களத்தில் பாமக – அமமுகவை முன் வைத்து ஒரு தகவல் கூறப்படுகிறது. சசிகலா விடுதலைக்குப் பிறகு அமமுக, அதிமுக இணைப்பு உருவாகலாம் என்ற கருத்து நிலவுகிறது.

அதேசமயம் டிடிவி தினகரன் கட்சிக்கு வெளியே தனது செல்வாக்கை நிரூபித்து தன் பக்கம் சில கட்சிகளை இழுக்க முயற்சித்து வருகிறார். மக்களவைத் தேர்தலை முன்னிட்டு நடைபெற்ற மினி சட்டமன்றத் தேர்தலில் தினகரனால் ஒரு இடத்தில்கூட வெற்றி பெறமுடியவில்லை. அதிமுகவின் நிர்வாகிகள் தான் எடப்பாடி பழனிசாமி பக்கம் இருக்கிறார்கள் ஆனால் உண்மைத் தொண்டர்கள் தன் பக்கம் தான் இருக்கிறார்கள் என கூறிவந்தார்.

கணிசமான வாக்குகளைப் பெற்றாலும் வெற்றி பெற முடியாமல் போனது தினகரன் தரப்புக்கு ஏமாற்றத்தை ஏற்படுத்தியது. அதிமுக தேவையான இடங்களைப் பெற்று ஆட்சியைத் தக்கவைக்க காரணமாக இருந்தது பாமகவுடன் அமைத்த கூட்டணிதான் என அரசியல் விமர்சகர்கள் கூறினர்.

இந்நிலையில் சட்டமன்றத் தேர்தலை முன்னிட்டு கூட்டணிப் பேச்சுவார்த்தைகள் அனைத்து தரப்பிலும் மறைமுகமாக நடைபெற்று வரும் நிலையில் தினகரன் தரப்பிலிருந்து பாமகவிடம் பேசியிருப்பதாக தகவல் வெளியாகியுள்ளது.

அதிமுக கூட்டணியில் இடம்பெற்றுள்ள பாமக தற்போதுவரை முதல்வர் வேட்பாளர் எடப்பாடி பழனிசாமி என கூறவில்லை. இரு தரப்புக்கும் இடையே சுமுக உறவு இல்லை என கூறுகிறார்கள். அதிமுக, பாமகவை முக்கியமான சக்தியாக பார்த்தாலும், பாமக இறங்கி வருவதாக தெரியவில்லை என்கின்றனர்.

இந்த நிலையில்தான் பாமகவுக்கு அமமுக தினகரன் தரப்பில் அழைப்பு விடுக்கப்பட்டுள்ளதாக கூறப்படுகிறது. இதற்கு பாமக தரப்பிலிருந்து நேர்மறையாகவோ, எதிர்மறையாகவோ எந்த பதிலும் வரவில்லை. அதேசமயம் தேர்தலுக்கு இன்னும் சில மாதங்கள் இருக்கிறதே பின்னர் பார்த்துக் கொள்ளலாம் என்ற மனநிலையில் பாமக இருப்பதாக அமமுகவுக்கு தெரியப்படுத்தப்பட்டுள்ளது.

சசிகலா விடுதலைக்குப் பிறகான அரசியல் வானிலையைப் பொறுத்து பாமக இந்த விஷயத்தில் முடிவெடுக்கும் என கூறப்படுகிறது.

Thanks to : samaiyam

About Veetri Rajkumar

Check Also

20 திருக்குறள் சொன்னால் 1 லிட்டர் பெட்ரோல் இலவசம்..

வட மாநிலங்களில் திருக்குறள் பெருமையாகப் பேசப்படுகிறது. பிரதமர் மோடி உள்ளிட்ட மத்திய அமைச்சர்கள் திருக்குறளை முன்னுதாரணம் காட்டி பேசும் நிலையை …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by