Friday , February 26 2021
Breaking News
Home / தமிழகம் / ஓவைசியை கூட்டணிக்கு இழுக்கும் திமுக?

ஓவைசியை கூட்டணிக்கு இழுக்கும் திமுக?

திமுக நடத்தும் மாநாட்டில் ஐதராபாத் எம்.பி அசாதுதின் ஓவைசி பங்கேற்க உள்ளார்.

பிகார் சட்டமன்றத் தேர்தலில் தனித்துப் போட்டியிட்டு 5 இடங்களில் வெற்றிபெற்றது ஓவைசியின் அகில இந்திய மஜ்லிஸ்-இ-இடிஹதுல் முஸ்லிம் கட்சி. மேலும் 19 தொகுதிகளில் வாக்குகளைப் பிரித்ததால் ஆர்ஜேடி-காங்கிரஸ் கூட்டணி ஆட்சியமைக்கும் வாய்ப்பை இழந்தது.

பாஜகவுக்கு எதிரான வாக்குகளைப் பிரிப்பதால் பாஜக கூட்டணி வெற்றி பெற்றது. இந்நிலையில் ஓவைசி கட்சி தமிழகத் தேர்தலிலும் களம் காண உள்ளதாக செய்திகள் வந்தன. தனித்துப் போட்டியிட்டால் அக்கட்சி திமுக கூட்டணியின் வாக்குகளைப் பிரிக்கும் என எதிர்பார்க்கப்பட்டது. இந்நிலையில் திமுக நடத்தும் மாநாட்டுக்கு ஓவைசிக்கு அழைப்பு விடுக்கப்பட்டுள்ளது.

சட்டமன்றத் தேர்தலை முன்னிட்டு திமுக பல்வேறு பிரச்சாரக் கூட்டங்களையும் மாநாட்டையும் நடத்தி வருகிறது. அந்த வகையில் சென்னை ராயப்பேட்டை ஒய்எம்சிஏ திடலில் ஜனவரி 6ஆம் தேதி திமுக தலைவர் மு.க.ஸ்டாலின் தலைமையில் இதயங்களை இணைப்போம் என்ற தலைப்பில் மாநாடு நடைபெறுகிறது.

இதில் இஸ்லாமிய இயக்கங்களின் தலைவர்கள், உலமாக்கள், சமூக ஆர்வலர்கள் என பலரும் பங்கேற்க உள்ளனர். இதற்காக இஸ்லாமிய இயக்கங்களின் தலைவர்களுக்கு திமுக சிறுபான்மை நல உரிமை அணி செயலாளர் மஸ்தான் நேரில் சென்று அழைப்பு விடுத்து வருகிறார்.

அந்த நிலையில் அகில இந்திய மஜ்லிஸ்-இ-இடிஹதுல் முஸ்லிம் கட்சியின் தலைவரும், ஐதராபாத் மக்களவை உறுப்பினருமான அசாதுதின் ஓவைசியை நேற்று மாலை மஸ்தான் நேரில் சந்தித்துப் பேசினார். அப்போது, இதயங்களை இணைப்போம் மாநாட்டிற்கு வருமாறு அவருக்கு அழைப்பு விடுக்கப்பட்டது. இந்த அழைப்பை ஏற்றுக்கொண்ட ஓவைசி அந்த மாநாட்டில் கலந்துகொள்ள விருப்பம் தெரிவித்துள்ளார்.

ஓவைசிக்கு அழைப்பு விடுத்ததும், அவர் சம்மதித்ததும் அவரது திமுக கூட்டணியில் பங்குபெறுவதற்கான தொடக்க புள்ளியா என்றும் கேள்வி எழுந்துள்ளது.

Thanks to : samaiyam

About Veetri Rajkumar

Check Also

10, 12 ஆம் வகுப்பு தேர்வுகள் எப்போது?

குறைந்த மாணவர்கள் பயிலும் பள்ளிகளில் நூலகங்கள் அமைப்பது குறித்து இன்னும் அரசு பரிசீலிக்கவில்லை. தேர்தல் தேதி வந்தவுடன் பொது தேர்வுகள் …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by