Wednesday , March 3 2021
Breaking News
Home / தமிழகம் / கொரோனா தடுப்பூசி ரெடி; தமிழகத்தில் எங்கெல்லாம் ஒத்திகை?

கொரோனா தடுப்பூசி ரெடி; தமிழகத்தில் எங்கெல்லாம் ஒத்திகை?

தமிழகத்தில் கொரோனா தடுப்பூசி ஒத்திகை நடைபெறும் இடங்கள் குறித்து இங்கே விரிவாக காணலாம்.

இந்தியாவில் கொரோனா வைரஸ் பாதிப்பை தடுக்கும் வகையில் கோவாக்சின், கோவிஷீல்டு தடுப்பூசி பரிசோதனைகள் செய்யப்பட்டுள்ளன. இதனால் யாருக்கும் எந்தவித உடல்நலப் பாதிப்பும் ஏற்படவில்லை. இதையடுத்து பொதுமக்கள் பயன்பாட்டிற்கு மத்திய அரசு அனுமதி அளிக்கவுள்ளது. இந்த சூழலில் பல்வேறு மாநிலங்களில் கொரோனா வைரஸ் தடுப்பூசிக்கான ஒத்திகை இன்று (ஜனவரி 2) தொடங்கியுள்ளது.

இதில் தடுப்பூசி விநியோகம், சேமித்து வைத்தல், கோல்ட் செயின் மேலாண்மை உள்ளிட்டவை அடங்கும். இதற்காக மருத்துவர்கள், செவிலியர்கள், சுகாதாரப் பணியாளர்கள், கொரோனா தடுப்பு பணியில் ஈடுபட்டுள்ள முன்களப் பணியாளர்கள் உள்ளிட்ட 5 லட்சம் பேர் கொண்ட பட்டியல் தயார் செய்யப்பட்டுள்ளது. இவர்களுக்கு முதல்கட்டமாக கொரோனா தடுப்பூசி போடப்படும் என்று தெரிவிக்கப்பட்டுள்ளது.

இதன் தொடர்ச்சியாக அனைத்து பொதுமக்களுக்கும் படிப்படியாக தடுப்பூசி போட நடவடிக்கை எடுக்கப்படும். தமிழகத்தைப் பொறுத்தவரை சென்னை, கோவை, நீலகிரி, திருநெல்வேலி, திருவள்ளூர் ஆகிய மாவட்டங்களில் 17 இடங்களில் இன்று ஒத்திகை நடக்கிறது. இதையொட்டி 21 ஆயிரத்து 170 சுகாதாரப் பணியாளர்களுக்கு பயிற்சி அளிக்கப்பட்டுள்ளது. இதற்காக 47 ஆயிரத்து 200 தடுப்பூசி மையங்கள் ஏற்படுத்தப்பட்டுள்ளன.

இரண்டு மணி நேரத்திற்கு 25 நபர்கள் வீதம் தடுப்பூசி போட இலக்கு நிர்ணயிக்கப்பட்டுள்ளது. சென்னையில் ராஜிவ் காந்தி அரசு மருத்துவ கல்லூரி மருத்துவமனை, சாந்தோம் மற்றும் ஈக்காட்டுதாங்கள் நகர ஆரம்ப சுகாதார நிலையங்களில் தடுப்பூசி ஒத்திகை நடைபெறுகிறது. திருவள்ளூரில் அரசு மருத்துவமனை, பூந்தமல்லி, நேமம், திருமழிசை ஆரம்ப சுகாதார நிலையங்களில் கொரோனா தடுப்பூசி ஒத்திகை நடக்கிறது.

கோவையில் அரசு மருத்துவ கல்லூரி, இ.எஸ்.ஐ மருத்துவமனை, பிஎஸ்ஜி, இன்ஸ்டிடியூட் ஆப் மெடிக்கல் சயின்சஸ், சூலூர் அரசு மருத்துவமனை, எஸ்.எல்.எம் ஹோம் நகர ஆரம்ப சுகாதார நிலையம், பூலுவப்பட்டி சமுதாய சுகாதார நல மையம் ஆகிய இடங்களில் தடுப்பூசி ஒத்திகை நடைபெறுகிறது. நீலகிரியில் ஊட்டி அரசு மருத்துவ கல்லூரி மருத்துவமனை, குன்னூர் அரசு மருத்துவானை, நிலக்கோட்டை ஆரம்ப சுகாதார நிலையம் ஆகிய இடங்களில் ஒத்திகை நடக்கிறது.

திருநெல்வேலியில் அரசு மருத்துவக் கல்லூரி மருத்துவமனை, சமாதானபுரம் நகர ஆரம்ப சுகாதார நிலையம், ரெட்டியார்பட்டி வட்டார ஆரம்ப சுகாதார நிலையம் ஆகிய இடங்களில் கொரோனா தடுப்பூசி ஒத்திகை நடைபெறுகிறது. தமிழகத்தில் கொரோனா வைரஸ் பாதிப்பு படிப்படியாக கட்டுக்குள் வந்து கொண்டிருக்கிறது. கடந்த 24 மணி நேரத்தில் 921 பேருக்கு மட்டுமே வைரஸ் தொற்று கண்டறியப்பட்டுள்ளது.

அதேசமயம் 1,029 பேர் குணமாகி வீடு திரும்பியுள்ளனர். பலி எண்ணிக்கை 13ஆக இருந்துள்ளது. சென்னையை பொறுத்தவரை புதிதாக 252 பேருக்கு கொரோனா பாதிப்பு உறுதி செய்யப்பட்டுள்ளது. குறிப்பாக 31 மாவட்டங்களில் கொரோனா உயிரிழப்புகள் ஏற்படவில்லை என்பது மிகுந்த நம்பிக்கையை ஊட்டுகிறது. இந்த சூழலில் தடுப்பூசி பயன்பாட்டை சரியான முறையில் பயன்படுத்திக் கொண்டால் புதிய அலை ஏற்படுவதையும், புதிய வைரஸ் பாதிப்பு உண்டாவதையும் தடுக்க முடியும்.

Thanks to : samaiyam

About Veetri Rajkumar

Check Also

20 திருக்குறள் சொன்னால் 1 லிட்டர் பெட்ரோல் இலவசம்..

வட மாநிலங்களில் திருக்குறள் பெருமையாகப் பேசப்படுகிறது. பிரதமர் மோடி உள்ளிட்ட மத்திய அமைச்சர்கள் திருக்குறளை முன்னுதாரணம் காட்டி பேசும் நிலையை …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by