Wednesday , March 3 2021
Breaking News
Home / தமிழகம் / அடிதடி சண்டை; பொங்கல் பரிசு டோக்கன் விநியோகம் நிறுத்தம் !!

அடிதடி சண்டை; பொங்கல் பரிசு டோக்கன் விநியோகம் நிறுத்தம் !!

டோக்கன் பெறுவதில் ஏற்பட்ட தகராறைத் தொடர்ந்து அனைத்து நடைமுறைகளும் நிறுத்தப்படுவதாக தெரிவிக்கப்பட்டுள்ளது.

தமிழகத்தில் அடுத்த ஆண்டு ஜனவரி மாதம் பொங்கல் பண்டிகை கொண்டாடப்படுவதை ஒட்டி, அரிசி ரேஷன் அட்டைதாரர்களுக்கு பரிசுத் தொகுப்பு வழங்கப்படும் என்று முதல்வர் பழனிசாமி அறிவித்துள்ளார். அதாவது ஒரு கிலோ பச்சரிசி, ஒரு கிலோ சர்க்கரை, 20 கிராம் உலர் திராட்சை, 20 கிராம் முந்திரி, 5 கிராம் ஏலக்காய், ஒரு முழுக் கரும்பு, துணிப்பை உடன் 2,500 ரூபாய் ரொக்கம் வழங்கப்படவுள்ளது. இதற்கான

டோக்கன் விநியோகம் இன்று (டிசம்பர் 26) தொடங்கியுள்ளது. ரேஷன் கடை ஊழியர்கள் வீடு, வீடாகச் சென்று டோக்கன்கள் வழங்க உத்தரவு பிறப்பிக்கப்பட்டுள்ளது.

நாளொன்றுக்கு 200 குடும்ப அட்டைகளுக்கு மிகாமல் வழங்க அறிவுறுத்தப்பட்டிருக்கிறது. இந்த டோக்கனில் பொங்கல் பரிசுத் தொகுப்பு பெற வேண்டிய நாள், நேரம் உள்ளிட்ட விவரங்கள் இடம்பெற்றுள்ளன. வரும் ஜனவரி 4ஆம் தேதி முதல் 12ஆம் தேதி வரை பொங்கல் பரிசுத் தொகுப்பு விநியோகிக்கப்படும். விடுபட்டவர்களுக்கு வரும் ஜனவரி 13ஆம் தேதி அன்று வழங்க திட்டமிடப்பட்டுள்ளது.

பொதுமக்கள் அனைவரும் முகக்கவசம் அணிந்து கொண்டு போதிய சரீர இடைவெளியுடன் வந்து பரிசுத் தொகுப்பை பெற்றுக் கொள்ள வலியுறுத்தப்பட்டுள்ளது. இதற்கிடையில் சர்வர் பிரச்சினை காரணமாக கைரேகை இல்லாமல் பொங்கல் பரிசுத் தொகுப்பைப் பெற்றுக் கொள்ள ஏற்பாடுகள் செய்யப்பட்டுள்ளன.

இந்நிலையில் மதுரை ஜம்புராபுரம் மார்க்கெட் பகுதியில் பொங்கல் பரிசு டோக்கன் வழங்கும் போது பொதுமக்களிடையே போட்டா போட்டி ஏற்பட்டுள்ளது. அதாவது தெருமுனையில் நின்று ரேஷன் கடை ஊழியர்கள் டோக்கன் கொடுத்துள்ளனர். அதனைப் பெறுவதில் மக்களிடையே வாக்குவாதம் ஏற்பட்டு அடிதடியில் முடிந்துள்ளது.

இதன் தொடர்ச்சியாக ஊழியர்களிடம் இருந்து டோக்கன்களை சிலர் பறிக்க முயன்றதாக கூறப்படுகிறது. இதனால் அதிர்ச்சியடைந்த ஊழியர்கள் உடனே டோக்கன் வழங்குவதை பாதியிலேயே நிறுத்திவிட்டுச் சென்றுள்ளனர். இந்த சம்பவம் ஜம்புராபுரம் பகுதியில் பரபரப்பை ஏற்படுத்தியுள்ளது.

Thanks to : samaiyam

About Veetri Rajkumar

Check Also

20 திருக்குறள் சொன்னால் 1 லிட்டர் பெட்ரோல் இலவசம்..

வட மாநிலங்களில் திருக்குறள் பெருமையாகப் பேசப்படுகிறது. பிரதமர் மோடி உள்ளிட்ட மத்திய அமைச்சர்கள் திருக்குறளை முன்னுதாரணம் காட்டி பேசும் நிலையை …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by