Wednesday , July 15 2020
Breaking News
Home / சினிமா / களமிறங்கிய தல அஜித் ;கொரோனா பணியில் தக்ஷ ட்ரோன்கள்!!

களமிறங்கிய தல அஜித் ;கொரோனா பணியில் தக்ஷ ட்ரோன்கள்!!

தற்போது முழு நாடும் கொரோனா வைரஸ் உடன் தான் போராடிக் கொண்டிருக்கிறது. இந்தியா முழுவதும் தற்போது வரை 4 லட்சத்து 73 ஆயிரம் நபர்களுக்கு மேல் கொரோனா உறுதி செய்யப்பட்டுள்ளது. இதில் அதிக பட்சமாக மகாராஷ்டிராவில் ஒரு லட்சத்து 42 ஆயிரத்துக்கும் மேல் மக்கள் கொரோனா வைரஸால் பாதிக்கப்பட்டு உள்ளனர். அதற்கு அடுத்து டெல்லி 70 ஆயிரம் பாசிட்டிவ் பெற்று இரண்டாம் இடத்திலும், தமிழ்நாடு 67 ஆயிரத்து 468 கொரோனா வைரஸ் பாசிட்டிவ் நபர்களுடன் மூன்றாமிடத்தில் உள்ளது.
இப்படி தமிழ்நாட்டில் நாளுக்கு நாள் தொடர்ந்து தொற்று அதிகரித்து வரும் நிலையில், அதை கட்டுப்படுத்த அரசும் பல்வேறு நடவடிக்கைகளை எடுத்து வருகிறது. அதில் குறிப்பிடத்தக்க ஒன்று பாதிப்பு உள்ள இடங்களில் கிருமி நாசினி தெளித்து சுத்தப்படுத்துவது. அந்த பணிகளில் ட்ரோன்கள் எனப்படும் ஆளில்லா விமானங்களை பயன்படுத்தி வருகின்றனர்.

அதில் அஜித் அறிவுரை வழங்கி வரும் தக்‌ஷா என்ற குழுவும் ஈடுபட்டுவருகிறது. அண்ணா பல்கலைக்கழகத்தை சேர்ந்தது தான் இந்த ட்ரோன் குழு.
இப்படி ட்ரோன்கள் மூலமாக கிருமி நாசினிகளை தெளிக்கும் ஐடியாவை தல அஜித் தான் கொடுத்தார் என சமீபத்தில் டாக்டர் கார்த்திகேயன் என்பவர் பேட்டி அளித்திருந்தார். கொரோனா வைரஸ் தொற்று அதிகம் உள்ள சிகப்பு மண்டலங்களில் கிருமி நாசினியை தெளிக்க தக்‌ஷா குழுவினர் ட்ரோன்களை பயன்படுத்தி வருகின்றனர். வெறும் அரை மணி நேரத்தில் 16 லிட்டர் கிருமிநாசினி தெளிக்கும் திறன் கொண்ட ட்ரோன்களைத் தான் அஜித் அறிவுரையின் பேரில் உருவாக்கியுள்ளனர். இதனைக் கொண்டு அரை மணி நேரத்தில் ஒரு ஏக்கர் அளவு பரப்பளவில் கிருமி நாசினிகளை தெளித்து விடலாம். இதன் சோதனை ஓட்டம் சமீபத்தில் நடைபெற்று வெற்றி அடைந்துள்ளது.

இதனைக் கொண்டாடும் வகையில் அஜித் ரசிகர்கள் சமூக வலைத்தளங்களில் #AJITHLedDroneToFightCorona ஹேஷ்டேக் பதிவிட்டு ட்ரெண்ட் செய்து வருகின்றனர். தக்சா குழுவினர் பல்வேறு மாவட்டங்களில் கிருமிநாசினி தெளிக்கும் பணிகளில் ஈடுபட உள்ளதாகவும் தெரிவிக்கப்பட்டுள்ளது.

சினிமாவில் மட்டும் ஹீரோவாக நடிப்பது மட்டுமின்றி நிஜத்திலும் மக்கள் ஆபத்தில் இருக்கும் சூழ்நிலையில் அவர்களுக்கு உதவ அஜித்தும் முயன்று வருவதற்கு அவரது ரசிகர்கள் பெரிய அளவில் பாராட்டு தெரிவித்து வருகின்றனர்.

தற்போது சென்னை மற்றும் அதனை சுற்றியுள்ள மாவட்டங்களில் தொடர்ந்து கொரானா வைரஸ் தொற்று அதிகரித்து வரும் நிலையில் இரண்டாம் கட்டமாக தற்போது முழு ஊரடங்கு அமல்படுத்தப்பட்டுள்ளது.

இந்த சூழ்நிலையில் அஜித் வழிகாட்டி வரும் குழு தடுப்பு நடவடிக்கைகளில் ஈடுபட்டு வருவதற்கு சமூக வலைத்தளங்களில் பாராட்டு குவிந்து வருகிறது.
வலிமை படத்தில் தான் தற்போது கவனம் செலுத்தி வருகிறார் அஜித். வினோத் இயக்கி வரும் அந்தப் படம் கொரோனா பிரச்சினை காரணமாக நிறுத்தப்பட்டு உள்ளது. அந்த படத்தின் ஷூட்டிங் ஹைதராபாத் உள்ளிட்ட பல இடங்களில் நடந்தது குறிப்பிடத்தக்கது. இந்த படத்தின் சேசிங் காட்சிகளை ஸ்பெயின் உள்ளிட்ட வெளிநாடுகளில் நடத்த இயக்குனர் திட்டமிட்டு இருந்தார். ஆனால் தற்போதைக்கு வெளிநாடுகளுக்கு சென்று ஷூட்டிங் நடத்தும் வாய்ப்பு கிடைக்குமா என்பது பெரிய கேள்விக் குறியாக உள்ளது. அதனால் கதையில் சில மாற்றங்கள் செய்து இந்தியாவிலேயே முழு ஷூட்டிங் நடத்த ஹெச். வினோத் பரிசீலித்து வருகிறார் என கூறப்பட்டு வருகிறது.

Thanks To: Samaiyam

MyHoster

About Veetri Rajkumar

Check Also

தமிழகத்தில் இன்றைக்கும் 4 ஆயிரத்தை தாண்டிய கொரோனா !!

தமிழகத்தில் இன்று 4,329 பேருக்கு தொற்று உறுதி செய்யப்பட்டுள்ளது. இதனால் பாதிக்கப்பட்டவர்களின் எண்ணிக்கை 1,02,721 ஆக உயர்ந்துள்ளது. இன்று 64பேர் …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by