Wednesday , July 15 2020
Breaking News
Home / தமிழகம் / கொரோனாவால் பலி!முதலமைச்சர் அலுவலக தனிச் செயலாளர்.

கொரோனாவால் பலி!முதலமைச்சர் அலுவலக தனிச் செயலாளர்.

முதலமைச்சர் அலுவலக தனிச்செயலாளர் தாமோதரன் கொரோனா பாதிக்கப்பட்டு உயிரிழந்துள்ளார்.
தமிழ்நாட்டில் குறிப்பாக சென்னையில் கொரோனா பரவல் வேகம் அதிகரித்துள்ளதுடன், உயிரிழப்பு முன்பைக் காட்டிலும் பல மடங்கு அதிகரித்துள்ளது.

60 வயதுக்கு மேற்பட்டவர்கள்தான் கொரோனாவால் அதிகம் பாதிக்கப்படுவதுடன் உயிரிழக்கும் சூழலும் உருவாகும் எனக் கூறப்பட்டாலும் சமீப நாள்களாக வரும் செய்திகள் அதற்கு நேர்மாறாக அமைந்துள்ளன

சென்னையில் அதிகம் பாதிக்கப்பட்டவர்கள் இள வயதினரும், நடுத்தர வயதினரும் தான். அதுபோல் உயிரிழந்தவர்கள் பட்டியலிலும் வயது குறைவானவர்களின் விவரம் இடம்பெற்றுள்ளன.

அதேபோல் கொரோனா தடுப்பு நடவடிக்கைக்காக அரசு பல்வேறு நடவடிக்கைகளை மேற்கொண்டு வருகிறது. இந்நிலையில் சுகாதாரத் துறை பணியாளர்களை போல் பிற துறை அரசுப் பணியாளர்களும், அதிகாரிகளும் கொரோனாவால் பாதிக்கப்பட்டுள்ளனர்.

சென்னை தலைமைச் செயலகத்தில் முதலமைச்சர் அலுவலக தனிச்செயலாளர் தாமோதரன் உட்பட 5 பேர் கொரோனாவால் பாதிக்கப்பட்டனர். தாமோதரனுக்கு கொரோனாவுக்கான அறிகுறிகளுடன் ராஜீவ்காந்தி அரசு மருத்துவமனையில் சிகிச்சைக்காக அனுமதிக்கப்பட்டார். அவருக்கு எடுக்கப்பட்ட கொரோனா சோதனையில் பாதிப்பு உறுதியானது.

அதைத்தொடர்ந்து அவர் கொரோனாவுக்கு சிகிச்சை பெற்று வந்த நிலையில் இன்று காலை எதிர்பாராதவிதமாக உயிரிழந்தார்.

சென்னையில் கொரோனா பாதிக்கப்பட்டவர்கள் விவரங்களை மண்டலம் வாரியாக மாநராட்சி வெளியிட்டுள்ளது. நேற்று வரை மாநகராட்சி எல்லைக்குட்பட்ட பகுதிகளில் இருந்து, கொரோனா தொற்றால் பாதிக்கப்பட்டவர்களில், 55% பேர் (18,565) குணமடைந்துள்ளனர்; இறப்பு சதவிகிதம் 1% ஆக உள்ளது என தெரிவிக்கப்பட்டுள்ளது.

Thanks To: samayam

MyHoster

About Veetri Rajkumar

Check Also

தமிழகத்தில் இன்றைக்கும் 4 ஆயிரத்தை தாண்டிய கொரோனா !!

தமிழகத்தில் இன்று 4,329 பேருக்கு தொற்று உறுதி செய்யப்பட்டுள்ளது. இதனால் பாதிக்கப்பட்டவர்களின் எண்ணிக்கை 1,02,721 ஆக உயர்ந்துள்ளது. இன்று 64பேர் …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by