Sunday , July 5 2020
Breaking News
Home / தமிழகம் / அதிரடி அறிவுப்பு;கல்லூரிகளில் இறுதியாண்டு தேர்வு ரத்து!!

அதிரடி அறிவுப்பு;கல்லூரிகளில் இறுதியாண்டு தேர்வு ரத்து!!

புதுச்சேரி பல்கலைக்கழகத்தின் கீழ் இயங்கும் உறுப்பு கல்லூரிகளில் இறுதியாண்டு தேர்வு ரத்து செய்யப்படுவதாக அறிவிக்கப்பட்டுள்ளது.
கொரோனா தடுப்பு நடவடிக்கையாக நாடு முழுவதும் கடந்த மார்ச் மாதம் முதல் பள்ளி, கல்லூரிகள் என அனைத்து கல்வி நிறுவனங்களும் மூடப்பட்டன. இதையடுத்து, பள்ளிகளில் நடைபெறவிருந்த இறுதி தேர்வுகள் ரத்து செய்யப்பட்டன. தமிழகத்தை பொறுத்தவரை 9ஆம் வகுப்பு வரையிலான தேர்வுகள் முதலில் ரத்து செய்யப்பட்டன.

தொடர்ந்து, 10ஆம் வகுப்பு பொதுத்தேர்வும் ரத்து செய்யப்பட்டு அனைத்து மாணவர்களும் தேர்ச்சி பெற்றவர்களாக அறிவிக்கப்பட்டுள்ளனர். 11ஆம் வகுப்பில் விடுபட்ட பாடங்களுக்கான பொதுத்தேர்வுகள் ரத்து செய்யப்பட்டுள்ளன. 12ஆம் வகுப்பில் விடுபட்ட ஒரே ஒரு இறுதி தேர்வை எழுத முடியாதவர்களுக்கான தேர்வு தொடர்பாக பின்னர் அறிவிக்கப்படும் என தெரிவிக்கப்பட்டுள்ளது.

அதேபோல், பல்வேறு மாநிலங்களும் பள்ளி தேர்வுகளை ரத்து செய்துள்ளன. கல்லூரிகளை பொறுத்தவரை, இந்த பருவத்தில் நடத்தப்பட வேண்டிய கல்லூரி, பல்கலைக்கழக பருவத் தேர்வுகள் கல்லூரிகள் திறக்கப்பட்டு அடுத்த பருவம் தொடங்கும்போது நடத்தப்படும் என தெரிவிக்கப்பட்டது. கடைசி ஆண்டு பயிலும் மாணவர்களுக்கான தேர்வுகளை கல்லூரிகள் திறந்த பின்னர் நடத்த திட்டமிடப்பட்டது.

இதனிடையே, பொது முடக்கத்தை வருகிற 30ஆம் தேதி வரை நீட்டித்த மத்திய அரசு, கல்வி நிறுவனங்களை திறப்பது தொடர்பாக அந்தந்த மாநில அரசுகள் ஜூலை மாதத்தில் முடிவெடுத்துக் கொள்ளலாம் என அறிவித்தது. ஆனால், இதற்கு எதிர்ப்பு கிளம்பியதால், பள்ளி, கல்லூரிகளை திறப்பு தொடர்பாக விரிவான ஆய்வு மேற்கொள்ளப்பட்டு அதனடிப்படையில், ஆகஸ்ட் மாதத்துக்கு பிறகே பள்ளி, கல்லூரிகள் திறக்கப்படும் எனவும் மத்திய மனிதவள மேம்பாட்டு துறை அமைச்சர் ரமேஷ் பொக்ரியால் தெரிவித்துள்ளார்.

எனினுன், கொரோனா பாதிப்பு நாள்தோறும் அதிகரித்து வருவதால் பள்ளி, கல்லூரிகள் திறப்பு தாமதமாகி வருகிறது. அதேசமயம், பள்ளிகளை போல கல்லூரி தேர்வுகளை ரத்து செய்ய வேண்டும் எனவும் கோரிக்கைகள் எழுந்து வருகின்றன.

இந்த நிலையில், புதுச்சேரி பல்கலைக்கழகத்தின் கீழ் இயங்கும் உறுப்பு கல்லூரிகளில் இறுதியாண்டு தேர்வு ரத்து செய்யப்படுவதாக அறிவிக்கப்பட்டுள்ளது. செய்முறை தேர்வு மற்றும் உள்மதிப்பீட்டு மதிப்பெண் அடிப்படையில் மாணவர்களின் தேர்ச்சி அறிவிக்கப்படும் எனவும் தெரிவிக்கப்பட்டுள்ளது.

முன்னதாக, புதுச்சேரி பல்கலைக்கழகத்தில் நடைபெறவிருந்த முதலாமாண்டு, இரண்டாமாண்டு மாணவர்களுக்கான பருவத் தேர்வுகள் ஏற்கனவே ரத்து செய்யப்பட்ட நிலையில், தற்போது இறுதியாண்டு தேர்வுகளும் ரத்து செய்யப்படுவதாக அறிவிக்கப்பட்டுள்ளது என்பது குறிப்பிடத்தக்கது.

Thanks to : samayam

MyHoster

About Veetri Rajkumar

Check Also

தமிழகத்தில் இன்றைய கொரோனா பாதிப்பு !!!

தமிழகத்தில் இன்று ஒரேநாளில் 3,882 பேருக்கு கொரோனா பாதிப்பு உறுதி செய்யப்பட்டுள்ளது. அதன்மூலம் மொத்த கொரோனா பாதிப்பு 94,049 ஆக …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by