Wednesday , August 5 2020
Breaking News
Home / சினிமா / தளபதி 65ல் இணையும் முன்னணி நடிகை?

தளபதி 65ல் இணையும் முன்னணி நடிகை?

தளபதி 65 படத்தில் மடோனா செபாஸ்டியன் முக்கிய ரோலில் நடிக்க உள்ளார் என தகவல் ஒன்று பரவி வருகிறது.

மாஸ்டர் படத்தின் ரிலீஸுக்காக விஜய்யின் ரசிகர்கள் அனைவரும் காத்துக்கொண்டிருக்கும் நிலையில் அவரது அடுத்த படமான தளபதி 65 படத்தின் ஆரம்பகட்ட பணிகள் நடந்து வருவதாக கூறப்படுகிறது.

சன் பிக்சர்ஸ் உடன் தான் விஜய் மீண்டும் கூட்டணி சேர உள்ளார் என்றும் ஏ.ஆர்.முருகதாஸ் தான் இந்த படத்தின் இயக்குனர் என்றும் கூறப்படுகிறது. ஆனால் இது பற்றிய உறுதியான அறிவிப்பு இன்னும் எதுவும் வரவில்லை. இதற்கு முன்பு சர்கார் படத்திற்காக விஜய் –

முருகுதாஸ் :சன் பிக்சர்ஸ் கூட்டணி சேர்ந்து இருந்தனர். தற்போது அதே கூட்டணி மீண்டும் இணைகிறது.

தற்போது இந்த படத்தின் பணிகள் ஆரம்பகட்ட பேச்சுவார்த்தையில் இருக்கும் நிலையில், இதில் பிரபல நடிகை மடோனா செபாஸ்டியன் ஒரு முக்கிய ரோலில் இந்த படத்தில் நடிக்கிறார் என செய்தி தமிழ் சினிமா வட்டாரத்தில் பரபரப்பாக பேசப்படுகிறது. இதை ஒரு ஆன்லைன் தளம் செய்தியாக வெளியிட்டு இருக்கிறது. ஆனால் தளபதி 65ல் மடோனா நடிக்கிறார் என்பது பற்றி உறுதியான அறிவிப்பு எதுவும் தற்போது வரை வரவில்லை.

தற்சமயம் வரை இசையமைப்பாளர் தமன் மட்டுமே தளபதி 65ல் ஒப்பந்தம் ஆகி இருப்பதை அதிகாரபூர்வமாக அறிவித்து உள்ளார். ஒரு தொலைக்காட்சிக்கு பேட்டி அளித்த அவர் “ஆமாம். விஜய் படத்திற்கு இசையமைக்கிறேன். அதற்காக மிக உற்சாகமாக இருக்கிறேன். கடந்த மூன்று வருடமாக இதற்காக பாலோ அப் இருந்தது. தற்போது தான் சரியான நேரம் வந்துள்ளது. மகிழ்ச்சியாக இருக்கிறது” என தெரிவித்து இருந்தார்.

தெலுங்கில் முன்னணி இசையமைப்பாளராக இருக்கும் தமன் விஜய் உடன் கூட்டணி சேர்ந்திருப்பதற்கு ரசிகர்களுக்கு பாடல்கள் மீது பெரிய எதிர்பார்ப்பை ஏற்படுத்தியுள்ளது. காரணம் தமன் இசையமைத்த புட்டபொம்மா உள்ளிட்ட பல பாடல்கள் தமிழ் ரசிகர்களாலும் அதிகம் ரசிக்கப்படுகின்றன என்பது தான்.

தளபதி 65 படத்தினை முடித்த பிறகு அவரது அடுத்த படமான தளபதி 66 படத்தை பற்றி ஒரு தகவல் சமீபத்தில் வைரலானது. பிக் பாஸ் நிகழ்ச்சியை இந்தியாவில் பல்வேறு மொழிகளில் தயாரித்து யாரும் எண்டேமோல் நிறுவனம் தான் விஜய்யின் 66 படத்தை தயாரிக்க உள்ளது என கூறப்படுகிறது. மேலும் மெர்சல் படத்தை தயாரித்த தேனாண்டாள் பிலிம்ஸ் முரளியும் தான் விஜய் உடன் மீண்டும் கூட்டணி சேர பேச்சுவார்த்தையில் இருப்பதாக ஒரு பேட்டியில் தெரிவித்து இருந்தார். அதனால் தேனாண்டாள் நிறுவனம் எண்டேமோல் உடன் இணைந்து தளபதி 66 படத்தை தயாரிக்க வாய்ப்பு இருக்கிறது எனவும் கூறப்படுகிறது. விஜய் யாருடன் கூட்டணி சேர்வார் என்பது 65வது படம் முடிந்தபிறகு தான் தெரிய வரும்.

விஜய் தற்போது நடித்து முடித்துள்ள மாஸ்டர் படத்தின் ரிலீஸே இன்னும் கேள்விக்குறியாக இருக்கிறது. தியேட்டர்கள் அனைத்தும் மூடப்பட்டு உள்ளதால் அதை திறக்க அரசு எப்போது அனுமதி தரும் என்று சினிமா துறையினர் காத்திருக்கின்றனர். அப்படி தியேட்டர்கள் மீண்டும் திறக்கப்பட்டாலும் கொரோனா பயத்தால் மக்கள் தியேட்டருக்கு வர அதிகம் பயப்படுவார்கள், அதனால் மாஸ்டர் படத்தை ரிலீஸ் செய்தால் அது மக்களை மீண்டும் தியேட்டருக்கு இழுத்து வரும் என தியேட்டர் உரிமையாளர்கள் கூறுகின்றனர். ஆனால் மாஸ்டர் தயாரிப்பாளர் புது ரிலீஸ் பற்றி தீவிர ஆலோசனையில் இருப்பதாக சொல்லப்படுகிறது.

Thanks To: Samayam

MyHoster

About Veetri Rajkumar

Check Also

இன்று மட்டும் 6,785 பேருக்கு பாதிப்பு!!

தமிழகத்தில் இதுவரையில் இல்லாத அளவாக ஒரே நாளில் 6,785 பேருக்கு கொரோனா பாதிப்பு உறுதி செய்யப்பட்டுள்ளது. இன்று மட்டும் 88 …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by