Sunday , April 11 2021
Breaking News
Home / இந்தியா / இந்தியா-சீனா எல்லை பிரச்சனை- அமெரிக்க அதிபர் ட்ரம்ப்..!

இந்தியா-சீனா எல்லை பிரச்சனை- அமெரிக்க அதிபர் ட்ரம்ப்..!

இந்தியா-சீனா எல்லை பிரச்சனை குறித்து பிரதமர் மோடியிடம் பேசியதாக அமெரிக்க அதிபர் டொனால்டு ட்ரம்ப் தெரிவித்துள்ளார்.

இந்தியாவின் லடாக் எல்லைப் பகுதிகளில் சீனா, தனது ராணுவத்தை குவித்துள்ளது. அதற்கு பதிலடியாக இந்திய ராணுவமும் குவிக்கப்பட்டுள்ளது. இதனால் லடாக் எல்லையில் பதற்றம் நிலவுகிறது. இந்நிலையில், இந்தியா – சீனா இடையே எல்லை பிரச்சினை ஏற்பட்டால் மத்தியஸ்தம் செய்ய தயாராக இருப்பதாக அமெரிக்க அதிபர் டொனால்டு ட்ரம்ப் கூறினார்.

இதனை இரு நாடுகளிடமும் தெரிவித்து விட்டதாகவும் அவர் கூறியிருந்தார். இந்நிலையில் இது குறித்து தனது டிவிட்டர் பக்கத்தில் கருத்து தெரிவித்துள்ள இந்திய வெளியுறவுத்துறைச் செயலாளர் அனுராக் ஸ்ரீவஸ்தவா, சீனாவுடனான எல்லை பிரச்னையை அமைதியாகத் தீர்க்கும் நடவடிக்கையில் இந்தியா ஈடுபட்டுள்ளதாக கூறியுள்ளார்.

எல்லை விவகாரத்தில் இந்திய ராணுவம் மிகவும் பொறுப்புடன் நடந்துகொள்வதாகவும், இந்திய இறையாண்மையை கட்டிக்காக்கும் வகையில் எல்லை பிரச்னைக்கு தீர்வு காண்பதில் இந்தியா உறுதியாக உள்ளதாகவும் வெளியுறவுத்துறை கூறியுள்ளது.

இதனிடையே, இந்தியா-சீனா இடையிலான எல்லை பிரச்சனை குறித்து பிரதமர் மோடியிடம் பேசியதாக அமெரிக்க அதிபர் டிரம்ப் தெரிவித்துள்ளார். சீனாவுடனான இந்த விவகாரத்தால், பிரதமர் மோடி சந்தோஷ மனநிலையில் இல்லை என்றும் அவர் கூறியுள்ளார். மேலும், இந்தியா, சீனா ஆகிய இரு நாடுகளும் அதிக மக்கள் தொகையையும், சக்திவாய்ந்த போராளிகளையும் கொண்டிருப்பதாக குறிப்பிட்டுள்ள டிரம்ப், எல்லை பிரச்சனை விவகாரத்தில் இருநாடுகளும் மகிழ்ச்சியாக இல்லை என்றும் கூறியுள்ளார்.

About Veetri Rajkumar

Check Also

கரூரில் அமைந்துள்ள எஸ்பிஐ காலனி அருகே சக்தி நகரின் தெருமுனை மூடப்பட்டிருக்கும் நிலை – கரூர் நகராட்சி நிர்வாகம் தலையிடுமா?

கரூரில் எஸ்பிஐ காலனி அருகே சக்தி நகரில் ராஜ வாய்க்கால் அருகே சக்தி நகரின் தெருமுனை மூடப்பட்டு பொதுமக்களுக்கு நடக்கமுடியாமல் …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by