Sunday , September 27 2020
Breaking News
Home / விளையாட்டு / ஜாகிர் கான், சேவாக் மற்றும் என்னை அணியில் இருந்து நீக்கியது இவர்தான்: போட்டு உடைக்கும் யுவராஜ் சிங்

ஜாகிர் கான், சேவாக் மற்றும் என்னை அணியில் இருந்து நீக்கியது இவர்தான்: போட்டு உடைக்கும் யுவராஜ் சிங்

இந்திய அணி நிர்வாகம் தனக்குத் தொடர்ந்து ஆதரவு அளித்திருந்தால் என்னால் மற்றொரு உலகக்கோப்பை போட்டியில் விளையாடி இருக்க முடியும் என்று இந்திய அணியின் முன்னாள் வீரர் யுவராஜ் சிங் வேதனையுடன் குறிப்பிட்டார்.

இந்திய அணியின் முன்னாள் வீரரும், ஆல்ரவுண்டருமான யுவராஜ் சிங்கின் பங்களிப்பு 2007-ம் ஆண்டு டி20 உலகக்கோப்பை போட்டியிலும், 2011-ம் ஆண்டு உலகக்கோப்பை போட்டியிலும் மறக்க முடியாது. 2007-ம் ஆண்டு டி20 போட்டியில் இங்கிலாந்து வீரர் ஸ்டூவர்ட் பிராட் ஓவரில் அடித்த 6 பந்துகளுக்கு 6 சிக்ஸர், 2011-ம் ஆண்டு உலகக்கோப்பை போட்டியில் யுவராஜ் சிங்கின் ரன் குவிப்பு போன்றவை இந்திய அணி இரு உலகக்கோப்பைகளை வெல்ல முக்கியக் காரணம்.

இந்நிலையில் தனியார் சேனல் ஒன்றுக்கு யுவராஜ் சிங் பேட்டி அளித்துள்ளார். அதில் அவர் கூறியதாவது:

என்னுடைய 36 வயதில் நான் யோ-யோ தகுதித் தேர்வுக்குத் தயாராகி அதில் தேர்வானேன். உள்நாட்டு கிரிக்கெட்டில் விளையாடுகிறேன் என்று அணி நிர்வாகத்திடம் தெரிவித்தேன். என்னுடைய வயதுக்கு யோ-யோ தகுதித் தேர்வில் தேர்வாவது கடினம். அதைச் செய்திருக்கிறேன் என்று கூறினேன். ஆனால் என்னை எளிதாக நிராகரித்துவிட்டார்கள்.

16 ஆண்டுகளாக சர்வதேசப் போட்டிகளில் விளையாடிய ஒரு வீரரை மரியாதை நிமித்தமாக அழைத்து அமரவைத்து சூழலை விளக்கி இருப்பதற்குப் பதிலாக நீக்கியது என்னைப் பொறுத்தவரை துரதிர்ஷ்டம். ஜாகீர்கான், வீரேந்திர சேவாக் மட்டுமின்றி யாரிடமும் அணி நிர்வாகம் பேசவில்லை.

என்னைப் பொறுத்தவரை கிரிக்கெட்டில் இருந்து ஓய்வு பெறுவது என்பது சரியான நேரத்தில்தான் முடிவு எடுத்துள்ளேன்.

என் மனதில் ஏராளமான விஷயங்கள் இருக்கின்றன. உலகக்கோப்பை தொடங்கியவுடன், அணி சிறப்பாக முன்னேற வேண்டும் என்று எண்ணினேன். இந்தியாவுக்கு வெளியே சென்று கிரிக்கெட் விளையாட விரும்பினேன். ஆனால் வாழ்க்கை எளிதாக என்னை முன்னெடுக்கவில்லை, அழுத்தம் மிகுந்ததாக இருந்தது.

இந்தியாவுக்கு வெளியே சென்று நான் விளையாட வேண்டுமென்றால் நான் ஓய்வு பெற வேண்டும் என்பதால், நான் ஓய்வை அறிவித்தேன். சரியான நேரத்தில்தான் முடிவெடுத்தேன். இளம் வீரர்கள் அணியை வழிநடத்திச் செல்ல வழிவிட்டு இருக்கிறேன். ஆனால்,என்னுடைய கிரிக்கெட் வாழ்க்கையின் கடைசிக் காலம், சிறிது சுமையாகவே இருந்தது’’.

இவ்வாறு யுவராஜ் சிங் தெரிவித்தார்.

MyHoster

About Admin

Check Also

முன்னணி கூடைப்பந்து, கால்பந்து வீரர்களுக்கு கொரோனா பாதிப்பு…

அமெரிக்காவை சேர்ந்த முன்னணி கூடைப்பந்து வீரர் கெவின் டுரன்ட், பிரான்ஸ் கால்பந்து வீரர் பிளேஸ் மாட்டுடி ஆகியோர் கொரோனா வைரஸ் …

Leave a Reply

Your email address will not be published. Required fields are marked *

NKBB TECHNOLOGIES
Open chat
Powered by