Sunday , April 11 2021
Breaking News
Home / உலகம் (page 2)

உலகம்

உலகம்

பிரிந்து சென்ற மனைவியை சேர்த்து வைக்கக்கோரி போலீஸ் நிலையம் முன்பு தீக்குளிக்க முயற்சி கூலித்தொழிலாளி கைது

பட்டிவீரன்பட்டி அருகே உள்ள நெல்லூர் பிரிவில் வசிப்பவர் பாண்டி என்ற சின்ன பாண்டி (வயது 31). கூலித்தொழிலாளி. அவருடைய மனைவி ஜெயலட்சுமி. இந்த தம்பதிக்கு ஆதிலட்சுமி என்ற மகளும், மரகதவேல் என்ற மகனும் உள்ளனர். இந்தநிலையில் கணவன்-மனைவி இடையே ஏற்பட்ட கருத்து வேறுபாடு ஏற்பட்டது.

இதனால் கணவரிடம் கோபித்து கொண்டு கடந்த 9 மாதங்களாக தனது குழந்தைகளுடன் ஜெயலட்சுமி மதுரை கொடிக்குளத்தில் உள்ள தனது பெற்றோர் வீட்டில் வசித்து வருகிறார். இந்தநிலையில் தன்னுடன் குடும்பம் நடத்த வருமாறு, மதுரைக்கு சென்று ஜெயலட்சுமியை பாண்டி பலமுறை அழைத்தார். ஆனால் ஜெயலட்சுமி வர மறுத்ததாக கூறப்படுகிறது. இதனால் பாண்டி மனம் உடைந்து காணப்பட்டார்.

இந்தநிலையில் பட்டிவீரன்பட்டி போலீஸ் நிலையத்துக்கு பெட்ரோல் கேனுடன் பாண்டி நேற்று வந்தார். சிறிதுநேரத்தில் அவர், தான் வைத்திருந்த பெட்ரோலை ஊற்றி தீக்குளிக்க முயன்றார். இதனைக்கண்ட போலீசார் அவரை தீக்குளிக்க விடாமல் தடுத்தனர். மேலும் அவர் மீது தண்ணீரை பீய்ச்சி அடித்து காப்பாற்றினர். தக்க சமயத்தில் போலீசார் பார்த்ததால் பாண்டி உயிர் தப்பினார்.

இதற்கிடையே தற்கொலைக்கு முயன்றதாக பாண்டி மீது போலீசார் வழக்குப்பதிவு செய்து அவரை கைது செய்தனர். இதுதொடர்பாக போலீசார் கூறுகையில், தற்கொலைக்கு முயற்சித்த பாண்டி குடும்ப பிரச்சினை குறித்து போலீஸ் நிலையத்தில் புகார் எதுவும் கொடுக்கவில்லை. தனது மனைவியுடன் பேச்சுவார்த்தை நடத்தி, தன்னுடன் சேர்த்து வைப்பதற்காக போலீஸ் நிலையம் முன்பு தீக்குளிக்க முயன்றதாக தெரிவித்துள்ளார் என்றனர்.

திண்டுக்கல் கலெக்டர் அலுவலகத்தின் முன்பு நேற்று விஷம் குடித்து விவசாயி ஒருவர் பரிதாபமாக இறந்தார். இந்த பரபரப்பு அடங்குவதற்குள் பட்டிவீரன்பட்டி போலீஸ் நிலையத்தின் முன்பு கூலித்தொழிலாளி ஒருவர் தீக்குளிக்க முயன்ற சம்பவம் போலீசாருக்கு அதிர்ச்சியை ஏற்படுத்தியுள்ளது.

இதேபோல் இனிவருங்காலத்தில் போலீஸ் நிலையங்கள், அரசு அலுவலகங்கள் முன்பு தற்கொலை முயற்சியில் ஈடுபடுவோர் மீது கடும் நடவடிக்கை எடுக்கப்படும் என்று மாவட்ட போலீஸ் சூப்பிரண்டு ரவளி பிரியா எச்சரிக்கை விடுத்துள்ளார்

கலெக்டர் அலுவலகத்தில் விஷம் குடித்து விவசாயி தற்கொலை

திண்டுக்கல்:

திண்டுக்கல் மாவட்ட கலெக்டர் அலுவலகத்திற்கு நேற்று மதியம் 12 மணிக்கு, வந்த நபர் திடீரென மயங்கி கீழே விழுந்தார். உடனே போலீசார், அவரை தூக்கினர். அப்போது அவர் வாயில் நுரை தள்ளிய நிலையில் உயிருக்கு போராடிக் கொண்டிருந்தார். இதையடுத்து அவரை திண்டுக்கல் அரசு மருத்துவமனைக்கு அனுப்பி வைத்தனர். ஆனால், அவர் வழியிலேயே இறந்தது தெரியவந்தது. மேலும் அவர் விஷம் குடித்ததால் இறந்ததாக டாக்டர் தெரிவித்தார்.

இதற்கிடையே அவர் கொண்டு வந்த கவரை கைப்பற்றி போலீசார் பிரித்து பார்த்தனர். அதில் ஆதார் அட்டை நகலுடன், புகார் மனுக்கள் இருந்தன. அதை கொண்டு விசாரித்ததில் இறந்தவர், தேனி மாவட்டம் தேவதானப்பட்டி அருகேயுள்ள காமக்காபட்டியை சேர்ந்த விவசாயி அர்ச்சுணன் (வயது 62) என்பதும், அவர் விஷம் குடித்து தற்கொலை செய்ததும் தெரியவந்தது.

திண்டுக்கல்லில் செயல்படும் ஒரு தனியார் நிதிநிறுவனத்தில் அர்ச்சுணன் வீடு கட்டுவதற்கு ரூ.15 லட்சம் கடன் வாங்கினார். அதற்கு பல்வேறு தவணைகளாக ரூ.6½ லட்சம் செலுத்தி உள்ளார். மீதி தவணை தொகையை அவரால் செலுத்த முடியாமல் போனது.

பணம் செலுத்தாவிட்டால் வீடு ஜப்தி செய்யப்படும் என்று நிதி நிறுவனத்தினர் தெரிவித்து உள்ளனர். மேலும் இது தொடர்பாக கோர்ட்டிலும் அர்ச்சுணன் மீது வழக்கு தொடரப்பட்டது. இதனால் வீடு ஜப்தி ஆவதை தடுக்க முடியாமல் மனமுடைந்த அவர், திண்டுக்கல் கலெக்டர் அலுவலகத்துக்கு மனு கொடுக்க வந்தவர் விஷம் குடித்து தற்கொலை செய்து கொண்டதாக போலீசார் தெரிவித்தனர்.

திண்டுக்கல் அருகே பைக்கில் சென்றவருக்கு சீட் பெல்ட் அணியாததற்கான அபராதம்

திண்டுக்கல் அருகே சின்னாளபட்டி பூஞ்சோலை பகுதியை சேர்ந்தவர் தியாகராஜன். இவரது செல்போனுக்கு வேடசந்தூர் போலீஸ் சார்பில் இ-செலான் குறுஞ்செய்தி வந்தது. அதில் வேடசந்தூர் பகுதியில் தியாகராஜன் பைக்கில் சென்றதாகவும், அப்போது சீட்பெல்ட் அணியவில்லை என்றும் எனவே ரூ.100 அபராதம் கட்ட வேண்டும் என குறிப்பிடப்பட்டிருந்தது.

இதை பார்த்ததும் அதிர்ச்சி அடைந்த தியாகராஜன் பைக்கில் சென்ற தனக்கு சீட் பெல்ட் அணியவில்லை என குறிப்பிட்டிருப்பது எதனால் என போலீசாரிடம் கேட்டார். அதற்கு அவர்கள் தெரியாமல் குறுஞ்செய்தி வந்துள்ளது என கூறி உள்ளனர். பொதுவாக காரில் செல்பவர்கள் கட்டாயம் சீட்பெல்ட் அணிய வேண்டும். தவறும் பட்சத்தில் அபராதம் விதிக்கப்பட்டு வருகிறது.

பைக்கில் செல்பவர்கள் ஹெல்மட் அணியாவிட்டால் போலீசார் அபராதம் விதித்து வருகின்றனர். எனவே தியாகராஜன் செல்போனுக்கு போலீசார் குறுஞ்செய்தியை மாற்றி அனுப்பி இருக்கலாம் என போலீசார் தெரிவித்தனர்.

தமிழகத்தில் கடந்த சில மாதங்களாகவே இதுபோன்ற குளறுபடிகள் நடைபெறுவதால் வாகன ஓட்டிகள் அதிர்ச்சி அடைந்துள்ளனர்.

திண்டுக்கல் அருகே பைக்கில் சென்றவருக்கு சீட் பெல்ட் அணியாததற்கான அபராதம்

திண்டுக்கல் அருகே சின்னாளபட்டி பூஞ்சோலை பகுதியை சேர்ந்தவர் தியாகராஜன். இவரது செல்போனுக்கு வேடசந்தூர் போலீஸ் சார்பில் இ-செலான் குறுஞ்செய்தி வந்தது. அதில் வேடசந்தூர் பகுதியில் தியாகராஜன் பைக்கில் சென்றதாகவும், அப்போது சீட்பெல்ட் அணியவில்லை என்றும் எனவே ரூ.100 அபராதம் கட்ட வேண்டும் என குறிப்பிடப்பட்டிருந்தது.

இதை பார்த்ததும் அதிர்ச்சி அடைந்த தியாகராஜன் பைக்கில் சென்ற தனக்கு சீட் பெல்ட் அணியவில்லை என குறிப்பிட்டிருப்பது எதனால் என போலீசாரிடம் கேட்டார். அதற்கு அவர்கள் தெரியாமல் குறுஞ்செய்தி வந்துள்ளது என கூறி உள்ளனர். பொதுவாக காரில் செல்பவர்கள் கட்டாயம் சீட்பெல்ட் அணிய வேண்டும். தவறும் பட்சத்தில் அபராதம் விதிக்கப்பட்டு வருகிறது.

பைக்கில் செல்பவர்கள் ஹெல்மட் அணியாவிட்டால் போலீசார் அபராதம் விதித்து வருகின்றனர். எனவே தியாகராஜன் செல்போனுக்கு போலீசார் குறுஞ்செய்தியை மாற்றி அனுப்பி இருக்கலாம் என போலீசார் தெரிவித்தனர்.

தமிழகத்தில் கடந்த சில மாதங்களாகவே இதுபோன்ற குளறுபடிகள் நடைபெறுவதால் வாகன ஓட்டிகள் அதிர்ச்சி அடைந்துள்ளனர்.

தமிழ்நாடு மற்றும் பாண்டிச்சேரி நுகர்வோர் குழுக்கள் கூட்டமைப்பின் உடைய பொதுக்குழு

தமிழ்நாடு மற்றும் பாண்டிச்சேரி நுகர்வோர் குழுக்கள் கூட்டமைப்பின்  பொதுக்குழு இன்றைக்கு நடைபெற்றது, அதில் 2020 2023 ஆம் ஆண்டிற்கான புதிய நிர்வாகிகள் தலைவர், செயலாளர், பொருளாளர் உள்ளிட்ட அனைத்து மாவட்டங்களுக்கும் ஆண், பெண் ஒருங்கிணைப்பாளர்கள் தேர்வு செய்யப்பட்டார்கள்.

இந்த பொதுக்கூட்டத்தில் தமிழக அரசை வலியுறுத்தி ஒரு சில தீர்மானங்கள் நிறைவேற்றப்படுகிறது.

குறிப்பாக இன்றைக்கு மாவட்ட நுகர்வோர் குறைதீர் ஆணையங்களில் ஒரு கோடி ரூபாய் வரை வழக்குகளை தாக்கல் செய்யலாம் ஆனால் ஒருசில மாவட்டங்களில் தலைமை நீதிபதி இல்லாமல் காலியாக இருக்கின்றது அதேபோல் தமிழக அரசு ஏற்கனவே ஒவ்வொரு மாவட்டத்திற்கும் தனியாக மாவட்டக் குறைதீர் ஆணையத்தில் கட்டிடம் கட்டுவதற்கு நிதி ஒதுக்கும் இன்னும் பல்வேறு மாவட்டங்களில் அது அந்த பணி நடைபெறாமல் இருக்கின்றது அதேபோல் இன்றைக்கு பல்வேறு பிரச்சனைகளுக்கு ஆகவே அந்த பாதுகாப்பு சட்டத்தில் கொடுக்கப்பட்டுள்ளன தீர்வுகளை இந்த சட்டத்தை கடுமையாக அமல் படுத்தி நடைமுறைப்படுத்த வேண்டும் அதேபோல் பரிசோதனைக்காக ஒருசில தனியார் மருத்துவமனையில் பரிசோதனை என்ற பெயரில் தவறான ஒரு அறிக்கை குறித்து மக்களிடையே ஒருவர் கிட்டே பணம் கொடுக்கக் கூடிய ஒரு சூழல் இருக்கிறது அது போன்ற தனியார் மருத்துவமனைகளையும் ஆய்வகங்களில் ஆய்வு செய்து தமிழக அரசு நடவடிக்கை எடுக்க வேண்டும் என்று இந்த கூட்டத்தில் ஒரு சில தீர்மானங்கள் நிறைவேற்ற தமிழக அரசு அதன் மீது நடவடிக்கை எடுக்க வேண்டும் என்று தமிழக அரசை வலியுறுத்தி கேட்டுக்கொள்கிறோம்.

திருப்பூரில் தமிழ்நாடு இளைஞர் கட்சியினர் சாலை மறியல்….

திருப்பூர் மாவட்டத்தில் மிக பெரிய அரசு மருத்துவமனை என்று தான் பெயர் ஆனால் அதில் எந்த ஒரு பயனும் இல்லை நாட்கள் நாள் மாதம் மாதம் வருடம் வருடம் மருத்துவமனை மீது அதிக குற்றங்கள் சொல்கின்றனர் போது மக்கள் பிரசவசம் என்றாலும் அவசர சிகிச்சை என்றாலும் மருத்துவரை பார்ப்பது மிக கடினம் போது நாட்களில். இப்போது கோரோனா நாட்களில் மருத்துவர்களே இருப்பது இல்லை அனைத்தும் செவிலியர்கள் பார்த்து கொள்கிறார்கள் பிரசம் என்றாலும் செவிலியர்கள் அவசர சிகிச்சை என்றாலும் செவிலியர்கள் தான் இருக்கிறார்கள் மருத்துவர்கள் இருப்பதே இல்லை .கொரோனா வைரஸ் தாக்கம், மருத்துவத்துறையில் அசாதாரண சூழ்நிலையை உருவாக்கியிருக்கிறது. திருப்பூர் அரசு மருத்துவமனையில், கொரோனா பாதிக்கப்பட்டவர்கள் தனி வார்டில் சிகிச்சை பெற்றுவருகின்றனர். அதேபோல, கொரோனா பரிசோதனை செய்யப்பட்டு அறிகுறி இருப்பவர்கள் தனிமைப்படுத்தப்பட்ட பகுதியில் தங்கவைக்கப்பட்டு, அவர்களுக்கு சிகிச்சை வழங்கப்பட்டுவருகிறது. இந்தநிலையில், மாவட்ட அரசு தலைமை மருத்துவமனை வளாகத்தில், மருத்துவக் கல்லூரி கட்டுமானப் பணிகள் நடைபெற்றுவருகின்றன.இதற்கிடையே, கட்டுமானப் பணியின்போது, மின் வொயர்கள் துண்டிக்கப்பட்டு, தனிமைப்படுத்தப்பட்ட பகுதிக்குச் செல்லும் மின்சாரம் துண்டிக்கப்பட்டிருப்பதாகத் தெரிகிறது. இதன் காரணமாக ஆக்ஸிஜன் வழங்குவதில் ஏற்பட்ட கோளாறால், அடுத்தடுத்து இரண்டு பேர் உயிரிழந்ததாக நோயாளிகளின் உறவினர்கள் புகார் தெரிவித்திருக்கிறார்கள்.
இதை கண்டித்து தமிழ்நாட்டு இளைஞர் கட்சியினர் காலையில் சாலை மறியலில் ஈடுபட்டனர். மேலும் திருப்பூர் மாவட்டத்தில் அரசு மதுபானக் கடைகளைைை நிரந்தரமாக மூடுவது குறித்தும் முழக்கமிட்டனர். இந்த இளைஞர்களின் கோஷம் வெகுவாக மக்களின் கவனத்தை ஈர்த்தது. இந்த இளைஞர்களின் கோரிக்கையை அரசாங்கம் ஏற்குமா? என்று பொறுத்திருந்து பார்ப்போம்.

நன்றி

இளைஞர் குரல்.

வேடசந்தூர் அருகே பிளேடால் மனைவியின் கழுத்தை அறுத்த பெயிண்டர் கைது

திண்டுக்கல் மாவட்டம் வேடசந்தூர் அருகே உள்ள கன்னடம்பட்டியை சேர்ந்தவர் ராஜ்குமார் (வயது 37). பெயிண்டர். இவருடைய மனைவி நந்திஈஸ்வரி (29). இவர்களுக்கு ஒரு மகனும், ஒரு மகளும் உள்ளனர். நந்திஈஸ்வரிக்கும் பக்கத்து வீட்டை சேர்ந்த வாலிபருக்கும் இடையே கள்ளக்காதல் ஏற்பட்டது. மனைவியின் கள்ளக்காதல் விவகாரம் ராஜ்குமாருக்கு தெரியவந்ததையடுத்து அவர் கள்ளக்காதலை கைவிடும்படி தனது மனைவியிடம் பலமுறை கூறி கண்டித்துள்ளார். ஆனாலும் அந்த வாலிபருடன் தனது உறவை நந்திஈஸ்வரி தொடர்ந்துள்ளார்.

நேற்று வேலை முடிந்து வீட்டுக்கு திரும்பி வந்த ராஜ்குமார், தனது வீட்டில் இருந்து அந்த வாலிபர் வெளியே சென்றதை பார்த்து மனைவியை கண்டித்துள்ளார். அப்போது இருவருக்கும் இடையே வாக்குவாதம் ஏற்பட்டது. வாக்குவாதம் முற்றியதில் ஆத்திரமடைந்த ராஜ்குமார் வீட்டில் இருந்த பிளேடை எடுத்து நந்திஈஸ்வரியின் கழுத்தை அறுத்தார். நந்திஈஸ்வரியின் கழுத்தில் இருந்து ரத்தம் பீறிட்டுக்கொண்டு வெளியேறியது. இதனால் அவர் வலி தாங்காமல் அலறினார். இதைப்பார்த்த ராஜ்குமார் வேடசந்தூர் போலீஸ் நிலையம் சென்று சரண் அடைந்தார். இதையடுத்து அவரை போலீசார் கைது செய்தனர்.

அன்னம் அறக்கட்டளையின் நமக்கு நாமே பொதுமக்கள் நலன் கருதி பொள்ளாச்சி மக்களுக்கு விழிப்புணர்வு

அன்னம் அறக்கட்டளை தனது சேவையை தொடர்ந்து ஓராண்டு காலமாக சிறப்பான முறையில் சேவை செய்து இரண்டாம் ஆண்டிற்குள் அடி எடுத்து வைக்க உள்ளது .இந்த அருமையான தருணத்தை மக்களாகிய உங்களுடன் இணைந்து தனது சேவையை தொடர விரும்புகிறோம். அன்னம் அறக்கட்டளையின் நமக்கு நாமே பொதுமக்கள் நலன் கருதி பொள்ளாச்சி மக்களுக்கு விழிப்புணர்வு ஏற்படுத்தும் வகையில் பொள்ளாச்சி காவல்துறை மற்றும் அன்னம் அறக்கட்டளை இணைந்து நடத்தும் நமக்கு நாமே விழிப்புணர்வு முக்கிய சந்திப்புகளில் மற்றும் பொதுமக்கள் கூடும் இடங்களில் நடத்தப்பட்டது இதற்கு நமது அன்னம் அறக்கட்டளை சார்பாக ஒத்துழைத்த அனைத்து காவல்துறை மற்றும் பொதுமக்களுக்கு எங்கள் அன்னம் அறக்கட்டளை சார்பாக மனமார்ந்த நன்றியை தெரிவித்துக் கொள்கிறோம்.

அரவக்குறிச்சியில் மகளிர் காவல் நிலையம் வேண்டும் – தமிழ்நாடு இளைஞர் கட்சி கோரிக்கை

கரூர் மாவட்டம் அரவக்குறிச்சி ஒன்றியத்தில் 20 ஊராட்சிகள் உள்ளன. இங்கு அரவக்குறிச்சி, பள்ளபட்டி ஆகிய பேரூராட்சிகள் உள்ளன. சுமாராக 50% மேல் பெண்கள் அரவக்குறிச்சி பகுதியில் வசித்து வருகின்றனர். தாலுகா தலைமையிடமான அரவக்குறிச்சி சுமாராக 40 சதுர கிலோமீட்டர் பரப்பளவைக் கொண்டுள்ளது. ஆனால் இங்கு ஒரு மகளிர் காவல் நிலையம் கூட இல்லை.

பெண்கள் புகார் கொடுக்க அரவக்குறிச்சி பகுதியில் இருந்து 40 கி.மீ தூரமுள்ள கரூர் காவல் நிலையத்திற்குத்தான் செல்ல வேண்டிய சிரமமான நிலை உள்ளது. அரவக்குறிச்சியில் மகளிர் காவல் நிலையம் அமைக்க உயர் அலுவலர்களிடம் பலமுறை மனு அளித்தும் நடவடிக்கை எடுக்கப்படவில்லை எனக் கூறப்படுகிறது. இந்நிலையில், அரவக்குறிச்சியில் காவல் நிலையம் அமைக்கவேண்டி தமிழ்நாடு இளைஞர் கட்சி சார்பில் மாவட்ட ஆட்சியரிடம் மனு அளிக்கப்பட்டுள்ளது.

இதுகுறித்து அக்கட்சியினர் கூறுகையில், கரூர் நகராட்சி சார்பில் அமைக்கப்பட்டுள்ள பிறப்பு, இறப்பு சான்றிதழ் வழங்கும் அலுவலகம் கடந்த ஒரு சில மாதங்களாக பூட்டியே கிடக்கிறது. இதனை உடனடியாக திறக்க வேண்டும் எனவும் மேற்கண்ட மனுவில் தெரிவித்துள்ளதாகக் கூறினர்.

தையல் இயந்திரம் வாங்கி கொடுத்தவரைப் பார்த்து மிரண்டு போனேன்.!

டீ விற்கும் இளைஞன் சைக்கிள் வாங்கிக் கொடுத்த உண்மைக்கதை ஏழைப் பெண்ணுக்கு…..

சென்னை சோழிங்கநல்லூர், காந்தி நகர், எரிக்கரை பகுதியில் வசித்து வரும் சூரிய கலா என்ற பெண் என்னிடம் உதவி கேட்டிருந்தார்.கணவர் பிரிந்து சென்று விட்டதாகவும் இரண்டு குழந்தைகளுடன் 1200 ரூபாய் வாடகை வீட்டில் இருக்கிறேன், வீட்டு வேலை செய்து வந்தேன், இப்போது வேலை இல்லை.
ஒரு தையல் மெஷின் வாங்கி கொடுத்தால் பிழைத்துக் கொள்வேன். ஜாக்கெட் தைக்க நன்கு தெரியும் என்று தெரிவித்தார்.
ஏற்கனவே, இந்த பெண்மணியின் பெற்றோரை அறிவேன். சிந்தாதிரிப்பேட்டையில் வசித்தவர்கள்.மிக மிக ஏழ்மையான குடும்பம்.
ஒரு தையல் மெஷின் வாங்கி கொடுத்தால் கண்டிப்பாக இக் குடும்பத்திற்கு உதவியாக இருக்கும் என்று முடிவு செய்து என் நண்பர்கள் மற்றும் தொண்டு உள்ளங்கள் நிறைந்த வாட்ஸ்அப் குழுக்களுக்கு இந்த தகவலை பகிர்ந்தேன்.
நான் பகிர்ந்தவுடன் மதுரையில் வசிக்கும் ஒரு அன்பரிடம் இருந்து போன் வந்தது .நீங்கள் குறிப்பிட்ட குடும்பம் உதவுவதற்கான தகுதி படைத்தவர்களா ?என்று அந்த தொலைபேசியில் பேசியவர் கேட்டார்.
உடனே நான் 100% தகுதியான குடும்பம் என்றதும் ,தையல் மிஷின் எவ்வளவு என்ற விவரத்தை தெரிவிக்க சொன்னார்.
நான் சம்பந்தப்பட்ட கடையில் விசாரித்து பதினெட்டாயிரம் என்று தெரிவித்தேன். உடனடியாக, என்னுடைய வங்கி கணக்கு விவரங்களை அனுப்ப சொன்னார்.
நான் சொன்னேன், நீங்கள் அந்த தையல் மிஷினை விற்பனை செய்யும் கடைக்கே அனுப்பி விடுங்கள் என்று அந்த விவரத்தை கொடுத்தேன்.
அந்த கடைக்கு தொகையை அனுப்பியிருந்தார்.
நான் ஒரு குட்டி யானையை வாடகைக்கு எடுத்துக்கொண்டு, 45 நாட்களுக்கு தேவையான மளிகைப் பொருள்களுடன் அந்த தையல் மிஷினுக்கு உடனடியாக தேவைப்படும் நூல்கள், பட்டன்கள், கொக்கிகளையும் வாங்கிக் கொண்டு சோளிங்கநல்லூர் சென்றேன்.
இவ்வளவு விரைவான உதவியை அவர்கள் எதிர்பார்க்க இல்லை. உடனடியாக அந்த மிஷினில் அப்பெண்மணியை உட்காரச் சொல்லி தைக்கச் சொல்லிவிட்டு, மதுரையிலுள்ள அந்த நண்பருக்கு வீடியோ காலில் தொடர்பு கொண்டு காண்பிக்க முற்பட்டேன்.
வீடியோ காலில் அவரைப் பார்த்ததும் மிரண்டு போனேன். ஒரு நடுத்தர வயது கொண்ட அதிகாரியாக அல்லது தொழிலதிபராக இருப்பார் என்று நினைத்தேன்.
ஆனால் அந்தப் பையனுக்கு சுமார் 25 வயதுதான் இருக்கும். டீ கேனுடன் கூடிய சைக்கிளுடன் நின்றிருந்தான். தெருத்தெருவாக சென்று டீ விற்கும் இளைஞன்.
அவனுக்கு பின்னால் துளாவி பார்த்தேன். அவனுடைய எஜமானர் யாரும் இருக்கிறார்களா! என்று தேடினேன்.
உதவி செய்தது …யார்? என்றேன். நான் தான் என்றான். எனக்கு தூக்கி வாரிப்போட்டது அதன் பிறகுதான் அவனுடைய முழு விவரம் தெரிய வந்தது.
அவன் பெயர் தமிழரசன், சிறுவயதிலேயே பெற்றோரை இழந்தவன். வேலை தேடி சென்னைக்கு வந்து மிகவும் கஷ்டப்பட்டு, பசியின் கொடுமையை அறிந்து மீண்டும் மதுரைக்குச் சென்று சைக்கிளில் டீ வியாபாரம் செய்து வருவதும், தினந்தோறும் தன் வருமானத்தில் 20, 30 ஏழை மக்களுக்கு உணவுவாங்கிக் கொடுத்து பசிப்பிணி ஆற்றி மகத்தான சேவை புரிந்து வருவதையும் அறிந்தேன்.
அவன் செயல்பாட்டை பாராட்டும் வகையில் சமீபகாலமாக நிறைய பேர் அவனுக்கு உதவிக்கரம் நீட்ட முன் வந்ததுள்ளதாகவும் அந்த உதவிகளையும் இப்படி திருப்பிவிட்டு ஏழை எளிய மக்களுக்கு மேலும் நன்மைகள் செய்து வருவதையும் அறிந்து மெய்சிலிர்த்துப் போனேன்.!

இந்த செய்தி சோசியல் மீடியாவில் தீயை பரவிவருகிறது இதுபோல் உள்ள நல்லுள்ளம் கொண்ட கொடை வள்ளல்கள் அனைவருக்கும் உணர்ச்சி கலந்த நன்றியை இளைஞர் குரல் சார்பாக தெரிவித்துக் கொள்கிறோம்.

NKBB TECHNOLOGIES
Open chat
Powered by