Wednesday , March 3 2021
Breaking News
Home / உலகம்

உலகம்

உலகம்

இளைஞர்களுடன் மய்யம் கொண்டுள்ளது வருகிற சட்டமன்ற தேர்தல் 2021….

மக்கள் நீதி மய்யத்துடன் தமிழ்நாடு இளைஞர் கட்சி இணைந்து வருகின்ற சட்டமன்ற தேர்தல் 2021 சந்திக்க இருக்கிறது என்று மக்கள் நீதி மய்யம் சார்பாகவும், தமிழ்நாடு இளைஞர் கட்சி சார்பாகவும் இன்று சென்னையில் பத்திரிகையாளர்களுடன் சந்திப்பு நடைபெற்றது.

இந்தக் கூட்டணி, இக்கட்டான காலகட்டத்தில் மூன்றாம் அணியாக மக்களின் மனதில் பார்க்க படுமா? என்று பொறுத்திருந்து பார்ப்போம்.


நேற்று திண்டுக்கல்லில் மாற்றுக் கட்சியினர் தமிழ்நாடு இளைஞர் கட்சியில் இணைந்தனர்…

நேற்று திண்டுக்கல்லில் மாற்றுக் கட்சியினர் தமிழ்நாடு இளைஞர் கட்சியில் இணைந்தனர்…

நேற்று திண்டுக்கல் மாவட்டத்தில் மாற்று கட்சியினர் தமிழ்நாடு இளைஞர் கட்சியில் மாவட்ட தலைவர் முன்னிலையில் தங்களை இணைத்துக் கொண்டதுடன்மாநில துணைச் செயலாளர் திரு முகமது அலி மற்றும் மாநில பத்திரிக்கைத்துறை தொடர்பாளர் திரு பாலமுருகன் அவர்களை சந்தித்து வாழ்த்து பெற்றனர்.

திண்டுக்கல் மாவட்ட தலைவர் திரு ரஞ்சித் குமார் அவர்கள் மேலும் இதுபோன்ற சந்திப்புகள் தொடரும் தொடரும் எனவும் இளைஞர்களின் சக்தி அரசியலில் மாற்றத்தை உருவாக்க திண்டுக்கல் மாவட்ட தமிழ்நாடு இளைஞர் கட்சி செயல்படும் எனவும் தெரிவித்தார்.

கரூர் மாவட்டம் அரவக்குறிச்சி காவல் நிலையத்திற்கு ஓர் எளிமையான காவல் ஆய்வாளர்….

அரவக்குறிச்சி காவல் நிலையத்திற்கு ஓர் எளிமையான காவல் ஆய்வாளர்….

கரூர் மாவட்டம் அரவக்குறிச்சி காவல் நிலையத்திற்கு காவல் ஆய்வாளர் திரு ஈஸ்வரன் அவர்கள் டிவிஎஸ் 50 யில் இன்று பயணித்த போது பொதுமக்கள் அனைவரும் ஆச்சரியத்துடன் பார்த்ததோடு மகிழ்ச்சியாகவும் இருந்தனர். மேலும் காவல் ஆய்வாளர் மற்றும் அனைத்து காவல் துறையினரும் நன்றாக பணியாற்றி அரவக்குறிச்சி காவல் நிலையத்திற்கு நற்பெயர் வாங்கி தந்து கொண்டிருக்கின்றனர். அனைத்து காவலர்களுக்கும் இளைஞர் குரல் சார்பாக நன்றியை தெரிவித்துக் கொள்கிறோம்.

தமிழ்நாடு இளைஞர் கட்சி அளித்த மனுவிற்காக சட்டமன்றத்தில் MLA மாணிக்கம் வாயிலாக பேசிய முதலமைச்சர், துணை முதலமைச்சருக்கு நன்றி

தமிழ்நாடு இளைஞர் கட்சி அளித்த மனுவிற்காக சட்டமன்றத்தில் MLA மாணிக்கம் வாயிலாக பேசிய முதலமைச்சர், துணை முதலமைச்சருக்கு நன்றி…#jalliakttu#protest#cases

மாண்புமிகு தமிழக முதல்வர் திரு எடப்பாடி பழனிச்சாமி துணை முதல்வர் திரு. ஒ.பன்னீர் செல்வம்அவர்களுக்கு,பொருள் 2017 ஆம் ஆண்டு நடைபெற்ற ஜல்லிக்கட்டு போராட்டத்தில் அப்பாவி பொதுமக்கள் மீது போடப்பட்ட கிரிமினல் வழக்குகளை திரும்பப் பெறவேண்டிமதிப்பிற்குரிய ஐயா இந்த மனு மூலம் தங்களிடம் வேண்டிக் கொள்வது யாதெனில், தமிழ்நாட்டில் பண்டைய காலம் தொட்டு நடைபெற்றுவந்த தமிழனின் வீர விளையாட்டான ஜல்லிக்கட்டை ஒருசில முதலாளித்துவம் மிக்க அதிகார வர்க்கத்திற்கு உட்பட்டவர்கள் பீட்டா அமைப்பின் மூலம் காளைகள் துன்புறுத்தப்படுவதாக உயிர் பலிகள் ஏற்படுவதாகவும் கூறி 2012 ஆம் ஆண்டு முதல் நான்கு ஆண்டுகளுக்கும் மேலாக இந்த வீர விளையாட்டை நடைபெற விடாமல் தடை செய்து வைத்திருந்தனர். இதனால், இவர்கள் மறைமுகமாக கார்ப்பரேட் வர்த்தகத்தை பெருக்க நினைத்து நம்முடைய நாட்டு இன மாடுகளை அழிக்க நினைத்தனர். இந்தச் சூழ்நிலையில் தமிழர்களின் கலாச்சார விளையாட்டை விளையாடுவது குறித்தும் நம் நாட்டு இன மாடுகளின் பாதுகாப்பை உறுதி செய்வது குறித்தும் ஏற்பட்ட ஒரு அமைதிப் புரட்சியே இந்த ஜல்லிக்கட்டு போராட்டம். இந்தப் போராட்டமானது மிகவும் அமைதியான முறையிலும் ஒழுக்கமான முறையிலும் எந்தவித அரசியல் கட்சி தலையீடும் இல்லாமல் இளைஞர்களின் எழுச்சியால் முழுக்க முழுக்க தமிழகம் முழுவதும் மட்டுமின்றி உலகம் முழுவதும் சுய ஒழுக்கத்துடன் நடைபெற்று அந்தப் போராட்டம் வெற்றியும் பெற்றது அவ்வாறு வெற்றி பெற்ற அந்தப் போராட்டத்தில் சில பல வன்முறைகள் வேண்டுமென்றே தூண்டிவிடப்பட்ட அதில் அப்பாவி மக்களும் பாதிக்கப்பட்டதோடு அதில் ஒழுக்கத்துடனும் கண்ணியத்துடன் நடந்து கொண்ட மக்கள் மீதும் கிரிமினல் வழக்குகள் பதியப்பட்டு இன்றளவும் விசாரணை நடைபெற்று வருகிறது. இந்த வழக்கானது இன்றளவும் அவர்களின் வாழ்வாதாரத்தையும் மன உளைச்சலையும் அதிகரித்த வண்ணமே உள்ளது. எனவே, இந்த வழக்கு சம்பந்தப்பட்ட அனைத்து கோப்புகளையும் எந்த ஒரு நிபந்தனையும் விசாரணையுமின்றி திரும்பப் பெறுமாறு தமிழ்நாடு இளைஞர் கட்சியின் சார்பாக சிரம் தாழ்ந்து கேட்டுக்கொள்கின்றோம்.குறிப்பு: இதே மனுவை துணை முதல்வர் திரு. ஒ.பன்னீர் செல்வம் அவர்களை நேற்று (03/02/2021) சந்தித்து கோரிக்கை மனு கொடுத்துள்ளோம் என்று தமிழ்நாடு இளைஞர் கட்சி யினர் தெரிவித்தனர்

மு.க. ஸ்டாலின் தலைமையில் சென்னையில் அமைதிப் பேரணி…

இந்த அமைதிப் பேரணி சென்னை மெரினா கடற்கரையில் உள்ள அண்ணா நினைவிடத்தில் நிறைவு பெற்றது.

மறைந்த முதலமைச்சர் பேரறிஞர் அண்ணா அவர்களின் 52 ஆவது நினைவுதினம் இன்று அனுசரிக்கப்படும் நிலையில், சென்னையில் திமுக தலைவர் மு.க.ஸ்டாலின் தலைமையில் அமைதிப் பேரணி நடைபெற்றது.

இந்தப் பேரணி, சென்னை சேப்பாக்கம் விருந்தினர் மாளிகையில் இருந்து அண்ணா சமாதிவரையில் நடைபெற்றது. பேரணிக்கு திமுக தலைவர் மு.க.ஸ்டாலின் தலைமை தாங்கினார். திமுக பொதுச்செயலாளர் துரைமுருகன், அமைப்புச் செயலாளர் ஆர்.எஸ்.பாரதி, பொருளாளர் டி.ஆர்.பாலு உள்ளிட்ட திமுக நிரிவாகிகள் உட்பட ஏராளமான திமுக தொண்டர்கள் பேரணியில் கலந்துகொண்டனர். கைகளில், அண்ணாவின் உருவப்படம் ஏந்தி தொண்டர்கள்  அமைதியாகச் சென்றனர்.

இந்த பேரணி சென்னை மெரினா கடற்கரையில் உள்ள அண்ணா நினைவிடத்தில் நிறைவு பெற்றது. அங்கே, அண்ணா சமாதியில் திமுக தலைவர் ஸ்டாலின் மலர் வளையம் வைத்தும், மலர்தூவியும் மரியாதை செலுத்தினார். அவரைத் தொடர்ந்து மற்றவர்களும் அஞ்சலி செலுத்தினர்.

இதனைத் தொடர்ந்து, மறைந்த திமுக தலைவர் கருணாநிதியின் நினைவிடத்தில் ஸ்டாலின் மலர்தூவி மரியாதை செலுத்தினார்.

இந்நிலையில்,  காஞ்சிபுரம் காந்தி சாலையில் இருந்து உதயநிதி ஸ்டாலின் 500க்கும் மேற்பட்ட திமுக தொண்டர்களுடன் அமைதி ஊர்வலத்தில் கலந்துகொண்டார்.

அவர், பெருநகராட்சி நோக்கி நடந்து சென்று அண்ணா திருவுருவ சிலைக்கு மாலை அணிவித்து மரியாதை செலுத்தினார்.

Thanks to : news 18

234 தொகுதிகளிலும் இனி தனியே மக்களை நாடி – தமிழ்நாடு இளைஞர் கட்சி

ஜல்லிக்கட்டு போராட்டத்தில் ஒன்று கூடி.. 234 தொகுதிகளிலும் இனி தனியே மக்களை நாடி.. ஒரே மேடையில் 100 வேட்பாளர்களை அறிமுகம் செய்த தமிழ்நாடு இளைஞர் கட்சி

வருகின்ற சட்டசபை தேர்தலில் 234 தொகுதிகளிலும் தமிழ்நாடு இளைஞர் கட்சி தனித்து போட்டியிட உள்ளதால் அதன் முதற்கட்டமாக ஒரே மேடையில் 100 வேட்பாளர்களை அறிமுகம் செய்துள்ளது.

ஜல்லிக்கட்டு புரட்சியில் உதயமான தமிழ்நாடு இளைஞர் கட்சி இன்று 5 ஆம் வருட துவக்க விழாவை கொண்டாடுகிறது. இந்த விழாவில் ஜல்லிக்கட்டு புரட்சியின் 5 ஆம் வருட வெற்றியை அடையாள படுத்தும் விதமாக ஜல்லிக்கட்டு காளையை அடக்கும் வீரர் சிலையை மாநில தலைவர், பொது செயலாளர், பொருளாளர், துணை தலைவர்கள் இணைந்து திறந்து வைத்தனர். இந்த அடையாள சின்னமானது தமிழகம் முழுவதும் ஜல்லிக்கட்டு வெற்றி உலாவாக கொண்டு செல்ல உள்ளோம். ஏற்கனவே R. k.நகர் இடைத்தேர்தலில் போட்டியிட்டதோடு, 2019 பாராளுமன்ற தேர்தலிலும் 16 இடங்களில் மோதிர சின்னத்தில் போட்டியிட்டோம், தற்போது அதே மோதிர சின்னத்தை தேர்தல் ஆணையம் ஒதுக்கியுள்ளது.

தமிழ்நாடு இளைஞர் கட்சி கடந்த அக்டோபர் மாதம் இளைஞர்களின் வழிகாட்டி திரு அப்துல் கலாம் அய்யா அவர்களின் பிறந்தநாள் அன்று வருகின்ற சட்டமன்ற தேர்தலில் 234 தொகுதியில், துடிப்பான , திறமையான இளைஞர்களை கொண்டு தனித்து போட்டியிடுவோம் என்று ஊடகத்தின் வாயிலாக மக்களுக்கு வெளிப்படுத்தி இருந்தோம். அதன் தொடர்ச்சியாக முதற்கட்டமாக 2021 சட்டமன்ற தேர்தலில் போட்டியிட உள்ள 100 வேட்பாளர்களை இன்று ஒரே மேடையில் அறிமுக படுத்தியது. இது இன்றைய அரசியல் சூழலில் தமிழகத்தில் உள்ள எந்த அரசியல் கட்சியும் செய்யவில்லை என்று பெருமிதத்துடன் கூறிக்கொள்கிறோம். மீதி உள்ள வேட்பாளர்களையும் விரைவில் அறிப்போம்.

இந்த நிகழ்வில் திரு பழ கருப்பையா அவர்களும், பிக் பாஸ் புகழ் சுரேஷ் சக்ரவர்த்தி , நடிகர் ராஜ சிம்மா , மற்றும் கையெழுத்து இயக்கம் தோழர்களும் கலந்து கொண்டனர். மேலும் பாமக மாவட்ட பொறுப்பு மற்றும் இளைஞர் அணியில் உள்ள நண்பர்கள், தமிழ்நாடு இளைஞர் கட்சியில் இணைந்தனர், அவர்களுடன் ரஜினி மக்கள் மன்ற நிர்வாகிகளும் கட்சியில் அவர்களை இணைத்து கொண்டனர்.

இந்த நிகழ்ச்சியின் இறுதி வரை கலந்து கொண்ட நடிகர் திரு ராஜ சிம்மா அவர்கள் தான் செய்து வரும் சமூக சேவைகள் கூட மற்ற அரசியல் கட்சிகள் தலையீட்டால் தடுக்க படுகிறது என்று வேதனை தெரிவித்ததோடு, அரசியலில் நிச்சயம் மாற்றம் வரவேண்டும் என்றும் அது இந்த ஆளும், எதிர் கட்சிகளால் தர முடியாது என்று தெரிவித்தார். தமிழ்நாடு இளைஞர் கட்சியின் கொள்கைகள் மற்றும் செயல்பாடுகள் பிடித்த காரணத்தால் தன்னை கட்சியில் இணைத்து கொண்டார். நிகழ்ச்சியில் பேசிய பழ கருப்பையா ஊழலை ஒழிக்க இளைஞர் சக்தியால் மட்டுமே முடியும் என்று உறுதியாக கூறினார்.

தொடர்ந்து பேசிய அவர், படித்த சமூகத்தில் படிக்காத தலைவர்கள் ஆட்சி செய்வது மிகுந்த வேதனை அளிக்கிறது என்றும், தமிழக அரசியல் வரலாற்றில் இதுவரை ஆட்சி செய்த கட்சியால், ஊழலை ஒழிக்க முடியவில்லை, முடியவும் முடியாது என்று திட்டவட்டமாக கூறினார். இது தெரிந்ததும் நல்ல தலைவர்கள் கொண்ட சிறு கட்சிகளும் அவர்களுடன் கூட்டணி செல்வது எந்த மாற்றத்தையும் தராது என்றும் கூறினார்.

நாடு முழுவதும் நேற்று மட்டும் 1.48 லட்சம் பேருக்கு தடுப்பூசி செலுத்தப்பட்டது…

தமிழகத்தில் ஒரே நாளில் 10 ஆயிரம் பேர் உட்பட, நாடு முழுவதும் ஒரு லட்சத்து 48,000 பேருக்கு நேற்று, கொரோனா தடுப்பூசி செலுத்தப்பட்டுள்ளது.

கொரோனா தடுப்பூசி போடும் பணிகள், கடந்த சனிக்கிழமை தொடங்கியது. இந்நிலையில், டெல்லியில் செய்தியாளர்களிடம் பேசிய மத்திய சுகாதாரத்துறை அதிகாரிகள், நாடு முழுவதும் நேற்று மட்டும் 1.48 லட்சம்  பேருக்கு கொரோனா தடுப்பூசி செலுத்தப்பட்டதாக தெரிவித்தனர். தடுப்பூசி போட்டுக் கொண்ட பின் கர்நாடகா மற்றும் உத்தரபிரதேசத்தை சேர்ந்த தலா ஒருவர் உயிரிழந்ததாக அதிகாரிகள் குறிப்பிட்டனர். உத்தரபிரதேசத்தை சேர்ந்தவரின் மரணத்துக்கு தடுப்பூசி காரணமில்லை என்றும், பிரேத பரிசோதனை அறிக்கையில் அது உறுதி செய்யப்பட்டுள்ளதாகவும் குறிப்பிட்டனர்.

கர்நாடகாவைச் சேர்ந்தவரின் பிரேத பரிசோதனை அறிக்கை இன்னும் வரவில்லை எனவும் அதிகாரிகள் தெரிவித்தனர். இதுவரை 580 பேருக்கு பக்க விளைவுகள் ஏற்பட்டுள்ளதாகவும், 7 பேர் மருத்துவமனையில் அனுமதிக்கப்பட்டுள்ளதாகவும் சுகாதாரத் துறை அதிகாரிகள் தெரிவித்தனர்.

இதற்கிடையே தமிழகத்தில் நேற்று 3-வது நாளாக கொரோனா தடுப்பூசி போடும் பணி நடைபெற்றது. ஒரே நாளில் 16000 பேருக்கு தடுப்பூசி செலுத்த திட்டமிடப்பட்ட நிலையில், 10,256 பேருக்கு தடுப்பூசி போடப்பட்டதாக சுகாதாரத் துறை தெரிவித்துள்ளது.

தமிழகத்தில் முதல் மாவட்ட ஆட்சியராக, திருப்பூர் ஆட்சியர் விஜய கார்த்திகேயன், மாநகராட்சி ஆரம்ப சுகாதார நிலையத்தில் கொரோனா தடுப்பூசி போட்டுக் கொண்டார். பின்னர் செய்தியாளர்களிடம் பேசிய அவர், அரசின் விதிமுறைகளை பின்பற்றி தடுப்பூசி செலுத்தப்பட்டு வருவதாகவும், இதுவரை யாருக்கும் பக்கவிளைவுகள் ஏற்படவில்லை என்றும் தெரிவித்தார்.

Thanks to : news 18

தமிழகத்தில் வீடில்லாத ஏழைகளுக்கு இலவச வீடு – முதலமைச்சர்..

தமிழகத்தில் வீடில்லாத ஏழை மக்கள் அனைவருக்கும் இலவசமாக வீடு கட்டித்தரப்படும் என முதலமைச்சர் எடப்பாடி பழனிசாமி உறுதியளித்துள்ளார்.

முன்னாள் முதலமைச்சரும், அதிமுக நிறுவனருமான எம்.ஜி.ராமச்சந்திரனின் 104-ஆவது பிறந்த நாளையொட்டி சென்னை அசோக் நகரில் அக்கட்சியின் சார்பில் பொதுக்கூட்டம் நடைபெற்றது. கூட்டத்தில் பேசிய முதலமைச்சர் எடப்பாடி பழனிசாமி, அதிமுக ஆட்சியில் நிறைவேற்றப்பட்ட மக்கள் நலத்திட்டங்களை பட்டியலிட்டார்.

திமுக தலைவர் மு.க.ஸ்டாலின், சென்னை மேயராக இருந்த போது எந்தவொரு பணியையும் செய்யாமல், தற்போது அதிமுக செய்து வரும் மக்கள் நலத்திட்டங்களை வேண்டுமென்றே விமர்சனம் செய்து வருவதாக சாடினார். சென்னையில் போக்குவரத்து நெரிசலை தவிர்க்க ஏராளமான மேம்பாலங்கள் கட்டப்பட்டுள்ளதாக கூறினார்.

சென்னை மெட்ரோ ரயில் திட்டத்தின்கீழ், வண்ணாரப்பேட்டை – விம்கோ நகர் இடையிலான பாதையில் ரயில் சேவையை பிரதமர் நரேந்திர மோடி விரைவில் தொடங்கி வைக்கவுள்ளதாகவும், தமிழகத்தில் ஏழை மக்கள் இல்லாத நிலையை உருவாக்க அதிமுக அரசு போராடி வருவதாகவும் முதலமைச்சர் எடப்பாடி பழனிசாமி கூறினார்.

Thanks to : news 18

சாலையில் வாகன ஓட்டிகளுக்கு இடையூறாக நிற்கும் வாகனம்

கன்னியாகுமரி மாவட்டம் மிடாலம் கிராம பஞ்சாயத்துக்கு உட்பட்ட காஞ்சிரம்பரம்பு கரையிலிருந்து கண்ணவிளை கருங்கல் சாலையில் வாகன ஓட்டிகளுக்கு இடையூறாக நிற்கும் வாகனம் இந்த வாகனத்தின் உரிமையாளரும் சுமிதா ஸ்டுடியோ உதயமார்த்தாண்டம் உரிமையாளருமான ரவியிடம் பலமுறை அப்பகுதி மக்கள் கூறியுள்ளனர் இதனை அவர் கண்டு கொள்ளவில்லை என அப்பகுதி மக்கள் கூறியுள்ளனர் அதுமட்டுமல்லாது கிராம பஞ்சாயத்துக்கு பலமுறை அப்பகுதி மக்கள் தெரிவித்தும் கண்டுகொள்ளாமல் இருகின்றனர்.
செய்தியாளர் கிருஷ்ண மோகன்
ஒளிப்பதிவாளர் ஜாக்சன் ஜெனோபட்

பிரிட்டனிலிருந்து தமிழகம் திரும்பிய 5 பேருக்கு கொரோனா பாதிப்பு !!

பிரிட்டனிலிருந்து தமிழகம் திரும்பிய 5 பேருக்கு கொரோனா பாதிப்பு !!

கடந்த மாதம் 25-ம் தேதி முதல் கடந்த 21-ம் தேதிவரை பிரிட்டனிலிருந்து வந்த 2,390 பேர் கண்டறியப்பட்டு கொரோனா பரிசோதனை மேற்கொள்ளப்பட்டுள்ளது.

பிரிட்டனிலிருந்து தமிழகம் வந்த மேலும் 4 பேருக்கு கொரோனா தொற்று உறுதிசெய்யப்பட்டுள்ளது. இவர்களது மாதிரிகள் புனே-வில் உள்ள ஆய்வகத்துக்கு அனுப்பிவைக்கப்பட்டுள்ளன. பிரிட்டனில் உருமாற்றம் பெற்ற கொரோனா வைரஸ், கட்டுப்படுத்த முடியாத அளவுக்கு பரவிவருவதாக அந்நாட்டு அரசு தெரிவித்துள்ளது. இதையடுத்து, பிரிட்டனிலிருந்து வந்த பயணிகளுக்கு மேற்கொண்ட பரிசோதனையில் சென்னையைச் சேர்ந்த தினேஷ் என்பவருக்கு கொரோனா தொற்று உறுதிசெய்யப்பட்டது.

இந்நிலையில், சென்னை கிண்டியில் உள்ள கிங் மருத்துவமனையில் சிறப்புப் பிரிவை ஆய்வுசெய்த பின்னர் செய்தியாளர்களிடம் பேசிய சுகாதாரத் துறை செயலாளர் ராதாகிருஷ்ணன், தினேஷ்குமாருடன் தொடர்பில் இருந்த 15 பேருக்கும் கொரோனா இல்லை என்பது உறுதிசெய்யப்பட்டுள்ளதாக தெரிவித்தார்.

கடந்த மாதம் 25-ம் தேதி முதல் கடந்த 21-ம் தேதிவரை பிரிட்டனிலிருந்து வந்த 2,390 பேர் கண்டறியப்பட்டு கொரோனா பரிசோதனை மேற்கொள்ளப்பட்டு வருவதாக அவர் கூறினார்.

இதுவரை மேற்கொண்ட சோதனையில், தஞ்சாவூரைச் சேர்ந்த இருவர், மதுரை மற்றும் சென்னையைச் சேர்ந்த தலா ஒருவருக்கு தொற்று உறுதிசெய்யப்பட்டுள்ளதாகவும், தினேஷையும் சேர்த்து 5 பேருக்கும் உயர்தர சிகிச்சை அளிக்கப்படுவதாகவும் ராதாகிருஷ்ணன் தெரிவித்தார்.

மதுரையைச் சேர்ந்தவர் கடந்த மாதம் 28-ம் தேதியும், தஞ்சாவூரைச் சேர்ந்தவர்கள் கடந்த 16-ம் தேதியும், சென்னையைச் சேர்ந்தவர் 17-ம் தேதியும் தமிழகத்துக்கு வந்ததாக அவர் குறிப்பிட்டார்.

இவர்களுக்கு புதிதாக எந்தவொரு அறிகுறியும் இல்லை என்றும், விரிவான ஆய்வுக்காக இவர்களது மாதிரிகளை புனேவுக்கு அனுப்பிவைத்துள்ளதாகவும் ராதாகிருஷ்ணன் தெரிவித்தார். தினேஷ்குமாரின் மாதிரிகளுக்கான முடிவுகள் இரண்டு நாட்களில் வரும் என்று எதிர்பார்ப்பதாகவும் ராதாகிருஷ்ணன் கூறினார்.

Thanks to : news 18

NKBB TECHNOLOGIES
Open chat
Powered by