Sunday , August 14 2022
Breaking News
Home / உலகம் / மாணவர்களுக்கு இலவச ஸ்மார்ட் போன்!!!
Vsolve UK

மாணவர்களுக்கு இலவச ஸ்மார்ட் போன்!!!

நாடு முழுவதும் ஸ்மார்ட் போன் இல்லாத மாணவர்களின் பட்டியலை அனுப்புமாறு மத்திய அரசு உத்தரவிட்டுள்ளது

கொரோனா பரவலை கட்டுக்குள் கொண்டு வரும் நடவடிக்கையாக நாடு முழுவதும் கல்வி நிறுவனங்கள் மூடப்பட்டுள்ளன. இதனால், ஆன்லைன் மூலம் பள்ளி மாணவர்களுக்கு வகுப்புகள் எடுக்கப்பட்டு வருகின்றன. ஆன்லைன் வகுப்புக்கு ஸ்மார்ட்போன், மடிக்கணினி மற்றும் இணைய வசதிகள் தேவைப்படுகின்றன.

ஆனால், கிராமப்புறங்களில் 44 சதவீத பேரிடமும் நகரங்களில் 65 சதவீத பேரிடம் மட்டுமே இணையதள வசதி உள்ளதால் ஆன்லைன் கல்வி அனைவருக்கும் சென்று சேருவதில்லை. செல்போன் இல்லாத பல மாணவர்களின் பெற்றோர்கள் மிகுந்த சிரமத்துடன் தங்களது குழந்தைகளுக்கு செல்போன் அல்லது டேப்லெட் வாங்கிக்கொடுத்துள்ளனர்.

அதேசமயம், கொரோனா பொது முடக்கத்தால் வாழ்வாதாரத்தை இழந்துள்ள பல பெற்றோர்களால் தங்களது குழந்தைகளுக்கு செல்போன்கள் வாங்கித் தர இயலவில்லை. இதனால்,மாணவர்களுக்கு ஆன்லைன் கல்வி என்பது எட்டாக் கனியாகவே உள்ளது.

இந்த நிலையில், நாடு முழுவதும் ஸ்மார்ட் போன் இல்லாத அரசுப் பள்ளி மாணவர்களின் பட்டியலை அனுப்ப முதன்மைக் கல்வி அலுவலகர்களுக்கு மத்திய கல்வி அமைச்சகத்தில் பள்ளி கல்வித்துறையின் சம்க்ரா சிக்‌ஷாவின் மாநில திட்ட இயக்குநர் உத்தரவிட்டுள்ளார்.

இந்தப் பட்டியல் கிடைத்த உடன், மத்திய – மாநில அரசுகளின் நிதியுதவியுடன் மாணவர்களின் தேவையை பூர்த்தி செய்ய நடவடிக்கை எடுக்கப்படும் என்றும் அவர் தெரிவித்துள்ளார். இதன் மூலம், ஸ்மார்ட் போன் இல்லாத அரசுப் பள்ளி மாணவர்களுக்கும் விரைவில் ஸ்மார்ட் போன் கிடைக்க வாய்ப்புள்ளதாக கூறப்படுகிறது.

Thanks to : samaiyam

Bala Trust

About Ramya Karur

Check Also

பாஜகவில் இருந்து விலகுவதாக மதுரை மாவட்ட தலைவர் டாக்டர் சரவணன் அறிவிப்பு

பாஜகவில் இருந்து விலகினார் மதுரை மாவட்ட தலைவர் டாக்டர் சரவணன்.நடந்த சம்பவத்திற்கு நிதி அமைச்சர் பிடிஆர் பழனிவேல் தியாகராஜனின் இல்லத்திற்கு …

இரத்தம் வேண்டுமா?
NKBB TECHNOLOGIES