Monday , August 15 2022
Breaking News
Home / இந்தியா / மக்கள் துயரத்தை வார்த்தைகளால் சொல்ல முடியாது- மோடி
Vsolve UK

மக்கள் துயரத்தை வார்த்தைகளால் சொல்ல முடியாது- மோடி

கொரோனா வைரஸ் பேரிடரால் ஏழைகளும், தொழிலாளர் வர்த்தகத்தினரும் அனுபவித்துவரும் வேதனைகளை வார்த்தைகளால் விவரிக்க முடியாது என்று பிரதமர் நரேந்திர மோடி உருக்கமாக பேசினார்.இதுதொடர்பாக ‘மனதின் குரல்’ (மான் கி பாத்) வானொலி நிகழ்ச்சியில்பிரதமர் மோடி பேசியது:

கொரோனாவுக்கு எதிரான போரை மிகவும் வலுவுடன் இந்திய மக்கள் போராடி வருகின்றனர்.பொதுமுடக்கம் கொஞ்சம் கொஞ்சமாக விலக்கப்பட்டு வரும் நிலையில் நாம் மேலும் ஜாக்கிரதையுடன் இருக்க வேண்டும். மக்களின் ஒத்துழைப்பே கொரோனா வைரஸிற்கு எதிரான போரில் வெற்றி பெற முக்கியக் காரணம். இந்தியா எப்படி இதை சாதித்தது என்பதைத்தான் உலகமே உற்று நோக்கியுள்ளது

பொருளாதாரத்தின் ஒரு அங்கமான தொழில் துறை தற்போது திறக்கப்பட்டுள்ளது. இதுபோன்ற சூழலில் நாம் கூடுதல் கவனத்தோடு இன்னும் எச்சரிக்கையுடனும் இருக்க வேண்டும். தனிநபர் இடைவெளி, முக கவசம் அணிவதை தொடர்ந்து கடைபிடிக்க வேண்டும். கொரோனாவிற்கு எதிரான போரில் வெற்றி பெறுவதற்கு நாம் நீண்ட தூரம் செல்ல வேண்டி உள்ளது.

கொரோனா துயரம் எந்த ஒரு பிரிவினரையும் விட்டு வைக்கவில்லை. சாமானியர்கள், ஏழைகள் தற்போது அனுபவித்துவரும் துயரத்தை வார்த்தைகளால் விவரிக்க இயலாது. ஏழைகளுக்கு உதவும் நோக்கில் பல்வேறு தரப்பினரும் பணியாற்றி வருகின்றனர்.

மத்திய, மாநில, உள்ளாட்சி அமைப்புகள் தீவிரமாக பணியாற்றி வருகின்றன. குறிப்பாக, புலம்பெயர்ந்த தொழிலாளர்கள் அவர்களின் சொந்த ஊர்களுக்கு திரும்ப, ரயில்வே துறை சிறப்பான பங்களிப்பை அளித்துள்ளது.

கொரோனாவை எதிர்கொள்ளும் அதே நேரத்தில் பொருளாதாரத்திலும் கவனம் செலுத்தி வருகிறது. புலம்பெயர் தொழிலாளர்களின் வாழ்வாதாரத்தை பாதுகாக்க கிராமங்களில் வேலைவாய்ப்பு உருவாக்க நடவடிக்கை எடுக்கப்படும். தற்சார்பு இந்தியா திட்டம் நம் நாட்டை முன்னேற்ற பாதைக்கு அழைத்து செல்லும்.கொரோனாவிற்கு எதிரான போர் மக்கள் இயக்கமாக மாற வேண்டும். யோகா, ஆயுர்வேதாவை நோக்கி மக்கள் நடைபோட்டு வருகின்றனர்.

யோகா மூலம் சுவாசப் பிரச்சினைகளுக்கு தீர்வு காண மக்கள் முயன்று வருகின்றனர். பிராணயாமம் உள்ளிட்ட சில பயிற்சிகள் நமக்கு மிகச்சிறந்த தீர்வை அளிக்கும். அனைவருக்கும் பரிசோதனை, சிகிச்சை அளிக்க நடவடிக்கை எடுத்து வருகிறோம் என்று பிரதமர் மோடி பேசினார்.

Source : tamil.samayam

Bala Trust

About Veetri Rajkumar

Check Also

மதுரையில் மதர் ஹவுஸ் வெல்ஃபேர் டிரஸ்ட் சார்பாக 75 ஆம் ஆண்டு சுதந்திர தின விழா.!

மை மதர் ஹவுஸ் வெல்ஃபேர் ட்ரஸ்ட்.75 ஆம் ஆண்டு சுதந்திர தின விழா மற்றும் முப்பெரும் விழா மதுரை மாவட்டம் …

இரத்தம் வேண்டுமா?
NKBB TECHNOLOGIES