Monday , August 15 2022
Breaking News
Home / தமிழகம் / சாலை மேம்பாட்டு பணிகள் தீவிரம் புதிய மேம்பாலங்கள் அமைக்க புதுவைக்கு மத்திய அரசு நிதிஉதவி மத்திய மந்திரி நிதின்கட்காரி உறுதி…
Vsolve UK

சாலை மேம்பாட்டு பணிகள் தீவிரம் புதிய மேம்பாலங்கள் அமைக்க புதுவைக்கு மத்திய அரசு நிதிஉதவி மத்திய மந்திரி நிதின்கட்காரி உறுதி…

புதுவையில் சாலை மேம்பாட்டு பணிகள் தீவிரமாக நடந்து வருகின்றன. புதிய மேம்பாலங்கள் அமைக்க மத்திய அரசு நிதி உதவி செய்வது குறித்து பரிசீலிக்கப்படும் என மத்திய மந்திரி நிதின்கட்காரி தெரிவித்தார்.
புதுச்சேரி,

புதுவை தலைமை செயலகத்தில் உள்ள கருத்தரங்க அறையில் சாலை பணிகள் குறித்த ஆய்வு கூட்டம் நேற்று மாலை நடந்தது.

மத்திய தரைவழி போக்குவரத்து மந்திரி நிதின் கட்காரி தலைமை தாங்கினார். கூட்டத்தில் முதல்-அமைச்சர் நாராயணசாமி, எம்.பி.க்கள் வைத்திலிங்கம், கோகுலகிருஷ்ணன் மற்றும் அரசு தலைமை செயலர் அஸ்வனி குமார், வளர்ச்சி ஆணையர் அன்பரசு, கலெக்டர் அருண் மற்றும் அதிகாரிகள் கலந்துகொண்டனர்.

கூட்டம் முடிந்ததும் மத்திய மந்திரி நிதின் கட்காரி நிருபர்களிடம் கூறியதாவது:-

புதுச்சேரி நகரப் பகுதிகளில் புதிய சாலைகள் அமைக்கும் பணி தீவிரப்படுத்தப்பட்டுள்ளது. மாநில மற்றும் தேசிய சாலைகளை பிரிக்கும் பணி நடைபெறுகின்றது. இந்த பணிகள் முடிந்ததும் புதுச்சேரியில் புதிய மேம்பாலங்கள் அமைப்பது தொடர்பான கோரிக்கைகள் பரிசீலிக்கப்படும். ஏற்கனவே ஒப்புதல் அளிக்கப்பட்ட திட்ட பணிகள் முடிந்தவுடன் புதிய திட்டங்கள் குறித்து பரிசீலிப்போம். மாநில நெடுஞ்சாலைகளை தேசிய நெடுஞ்சாலைகளாக அறிவிக்க வேண்டும் என்ற முதல்-அமைச்சரின் கோரிக்கைகளை பரிசீலித்து முடிவு அறிவிக்கப்படும். சாலை மாற்றி அமைக்கும் இடங்களில் புதிய திட்டத்தை வகுக்க உள்ளோம். புதுச்சேரி மாநிலத்திற்கு தேவையான சாலை மேம்பாட்டு திட்டங்களை செயல்படுத்த நிதி ஒதுக்குவது குறித்து மத்திய அரசு பரிசீலிக்கும். இவ்வாறு அவர் கூறினார்.

முதல்-அமைச்சர் நாராயணசாமி கூறுகையில், ‘புதுச்சேரியில் தேசிய நெடுஞ்சாலைகளை விரிவுபடுத்துதல் மற்றும் புதிய சாலைகள் அமைப்பது தொடர்பாக கோரிக்கை விடுக்கப்பட்டுள்ளது. இதில் புதுச்சேரி-மாமல்லபுரம், விழுப்புரம்- நாகப்பட்டினம் வரை 4 வழி சாலை அமைக்கப்படும். புதுவையில் போக்குவரத்து நெரிசலை குறைக்க முருங்கப்பாக்கம் முதல் சிவாஜி சிலை வரை, மதகடிப்பட்டு முதல் புதுச்சேரி வரை 4 வழிச்சாலை அமைப்பது தொடர்பான 4 திட்டங்களை மத்திய மந்திரி நிதின் கட்காரியிடம் அளித்துள்ளோம். அதனை செய்து தர அதனை செய்து தர மத்திய மந்திரி உறுதியளித்துள்ளார்’ என்றார்.

அதைத்தொடர்ந்து அரவிந்தர் அன்னை ஆசிரமத்துக்கு மத்திய மந்திரி நிதின் கட்காரி சென்றார். அங்கு அவருடன், பாரதீய ஜனதா நிர்வாகிகள் சிலர் செல்ல முயன்றனர். அங்கு அவர்களை போலீசார் தடுத்து நிறுத்தியதால் வாக்குவாதம் ஏற்பட்டது. இதனால் அங்கு பரபரப்பாக இருந்தது.

Bala Trust

About Loganathan K

Check Also

வேடசந்தூர் அருகே கார் விபத்து…

திண்டுக்கல் மாவட்டம் வேடசந்தூர் தாலுகாவைச் சேர்ந்த (கல்வார்பட்டி செக் போஸ்ட் அருகே) காசிபாளையம் அருகே நான்கு சக்கர வாகன விபத்து …

இரத்தம் வேண்டுமா?
NKBB TECHNOLOGIES