Friday , May 20 2022
Breaking News
Home / வட மாவட்டங்கள் / 7 மாவட்டங்களில் மீண்டும் முழு ஊரடங்கு அமல்; திடீர் அறிவிப்பு!
Vsolve UK

7 மாவட்டங்களில் மீண்டும் முழு ஊரடங்கு அமல்; திடீர் அறிவிப்பு!

கொரோனா பாதிப்பு ஆட்டம் காட்டத் தொடங்கியதால் மீண்டும் முழு ஊரடங்கை அமல்படுத்தி மாநில அரசு உத்தரவிட்டுள்ளது.

அசாம் மாநிலத்தில் தினசரி புதிய பாதிப்புகளின் எண்ணிக்கை ஏற்ற இறக்கங்களுடன் காணப்படுகிறது. நிலைமை இன்னும் கட்டுக்குள் வரவில்லை என்றே தெரிகிறது. நேற்று புதிதாக 2,433 பேர் கொரோனா நோய்த்தொற்றுக்கு ஆளாகியுள்ளனர். 1,745 பேர் குணமடைந்து வீடு திரும்பிவிட்டனர். 34 பேர் பலியாகியுள்ளனர். தற்போது 22,897 பேர் கொரோனாவிற்கு சிகிச்சை பெற்று வருகின்றனர். இந்த சூழலில் ஏழு மாவட்டங்களில் திடீரென கொரோனா பாதிப்புகள் அதிகரிக்கத் தொடங்கியுள்ளன. மாநில பேரிடர் மேலாண்மை ஆணையத்தின் அறிவுறுத்தலின் பேரில், இந்த மாவட்டங்களில் முழு ஊரடங்கு கட்டுப்பாடுகள் அமல்படுத்தப்பட்டுள்ளன.

மிகத் தீவிர ஊரடங்கு

அவை கோல்பாரா, கோலாகத், ஜோர்ஹத், சோனித்பூர், பிஸ்வநாத், லகிம்பூர், மோரிகோவன் ஆகிய மாவட்டங்கள் ஆகும். இங்கு மிகத் தீவிர ஊரடங்கு கட்டுப்பாடுகளை அமல்படுத்த அரசு முடிவு செய்துள்ளது. மேலும் சிவசாகர் மற்றும் திப்ருகார் ஆகிய மாவட்டங்கள் அடுத்த ஒருவாரத்திற்கு தொடர் கண்காணிப்பில் வைத்திருக்க அறிவுறுத்தப்பட்டுள்ளது. நடுத்தர அளவிலான பாதிப்புகளைக் கொண்ட சிவசாகர், திப்ருகார், கோக்ராஜ்ஹர், பார்பேட்டா,

கட்டுப்பாடுகள் அறிவிப்பு

நல்பாரி, பக்சா, பஜாலி, கம்ருப், தாரங், நாகோவன், ஹோஜாய், தின்சுகியா, தீமாஜி, கச்சார், கரிம்கஞ்ச், கர்பி அங்லாங் ஆகிய மாவட்டங்களில் பிற்பகல் 2 மணி முதல் காலை 5 மணி வரையும், பாசிடிவ் விகிதத்தில் முன்னேற்றம் கண்டிருக்கும் துப்ரி, கம்ரூப்(M), சவுத் சல்மாரா, மஜவுலி, போங்கைகோவன், சிராங், உடல்குரி, வெஸ்ட் கர்பி ஆங்லாங், திமா ஹசாவோ, சரைடியோ, ஹைலாகண்டி ஆகிய மாவட்டங்களில் மாலை 5 மணி முதல்

காலை 5 மணி வரையும் கட்டுப்பாடுகள் அமலில் இருக்கும் என்று தெரிவிக்கப்பட்டுள்ளது. அதிக பாசிடிவ் விகிதம் கொண்டிருக்கும் மாவட்டங்களில் அனைத்து பணியிடங்கள், வியாபார/வர்த்தக நிறுவனங்கள், கடைகள், மளிகை, பழங்கள், காய்கறி, பால் பொருட்கள், கால்நடைத் தீவனங்கள், உணவகங்கள், தாபாக்கள் உள்ளிட்ட உணவகங்கள், விற்பனை நிலையங்கள், ஷோரூம்கள், குடோன்கள் உள்ளிட்டவை

தளர்வுகள் என்னென்ன?

மறு உத்தரவு வரும் வரை மூடியே இருக்க வேண்டும் என்று உத்தரவு பிறப்பிக்கப்பட்டுள்ளது. நடுத்தர பாதிப்புகள் கொண்ட மாவட்டங்களில் பிற்பகல் 1 மணி வரையும், நிலைமை சீரடைந்து வரும் மாவட்டங்களில் மாலை 4 மணி வரையும் திறந்திருக்க அனுமதிக்கப்பட்டுள்ளது. முழு ஊரடங்கு பிறப்பிக்கப்பட்டுள்ள 7 மாவட்டங்களில் பொது மற்றும் தனியார் வாகனப் போக்குவரத்திற்கு தடை விதிக்கப்பட்டுள்ளது.

சரக்கு போக்குவரத்திற்கு தடையில்லை. மற்ற மாவட்டங்களில் கொரோனா தடுப்பு வழிமுறைகளுடன் பொது போக்குவரத்தை செயல்படுத்தலாம். முழு ஊரடங்கில் அமலில் இருப்பதால் எந்தவொரு நிகழ்ச்சிக்காகவும் பொதுமக்கள் கூடுவதற்கு அனுமதி இல்லை. மற்ற மாவட்டங்களில் அதிகபட்சமாக 10 பேருடன் நிகழ்ச்சிகளை நடத்தலாம் என்று கூறப்பட்டுள்ளது.

Thanks to : news 18

Bala Trust

About Ramya Karur

இரத்தம் வேண்டுமா?
NKBB TECHNOLOGIES